DC Mjema afanya ziara Mtaa wa Amana Kata ya Ilala kutatua kero

I

ZIARA YA MKUU WA WILAYA KATA YA ILALA MTAA WA AMANA.

Mkuu wa Wilaya ya Ilala *Mhe SOPHIA MJEMA* leo aliendelea na ziara yake ya Mtaa kwa Mtaa Katika Kata ya Ilala Mtaa wa Amana.

Mkuu wa Wilaya alianza Ziara hiyo saa nane Mchana kwa kukaribishwa na Mw/Kiti wa Mtaa wa Amana ,Mhe Zainab Orty, sambamba na Diwani wa Kata ya Ilala *Mhe Saady Khimji.

Mkuu wa Wilaya alipata fursa ya kuzungumza na wastaafu wa Serikali wanao ishi Maghorofa ya NHC Ilala wakiongozwa na Mzee Gwao na Mama Tarazo.

Wastaafu hao walizungumzia Changamoto mbalimbali zinazowakumba lakini zaidi juu ya ukakasi wa wao kutouziwa Nyumba hizo wanazokaa hali ya kwamba Bunge lilipitisha Muswada wa kuwauzia hizo Nyumba na hatimaye Rais kuusaini Muswada huo.

Aidha baada ya Mkutano huo na wazee wastaafu wa Ilala Flat Mkuu wa Wilaya aliongozana na Viongozi wa Kata na Mitaa ya Ilala kuelekea katika mkutano mwingine uliofanyika ofisi za Mtendaji kata.

Hapo napo alipokea changamoto mbalimbali zikiwepo zinazohusu usafi wa Mazingira, Mikopo, Punguzo la gharama ya uzoaji taka, ukarabati wa miundombinu ya mashule na barabara, huduma ya afya, Mapato na Matumizi, utoro mashuleni na mengineyo.

Wakuu wa idara wa manispaa walijibu masuala mbalimbali yaliyoulizwa na mengine yamechukuliwa kwa ajili ya ufumbuzi zaidi.

Diwani wa Kata ya Ilala , Mhe Khimji, alimpongeza Mkuu wa Wilaya kwa kazi kubwa anayoifanya lakini pia kwa kutatua changamoto mballimbali zinazowatatiza Wananchi.