Mratibu wa Umoja wa Ilala awawezesha Polisi Jamii Tabata

POLISI Jamii Tabata Mtambani wapokea msaada wa reflectar   kwa ajili ya walinzi vilivyotolewa na Mratibu wa Ilala  Heri Shaaban ..

Akizungumza wakati wa kukakibidhi msaada huo Heri Shaaban alisema suala la ulinzi ni letu sote kila mtu ana wajibu wa kulinda na kusaidia Polisi Jamii.

Shaaban alisema   yeye ni mlezi wa Sungusungu wa Tabata Mtambani awali kabla kukabidhi msaada huo aliwakabidhi virungu kwa ajii ya kutumika katika lindo..

"Awali nilikabidhi virungu ili wavitumie katika lindo nyakati za usiku kwani wanakutana na changamoto nyingi katika lindo ikiwemo vitendea kazi ,wakati nawapa virungu waliomba niwatafutie   sare ili usiku waweze kutambulika kwa urahisi  ambapo leo nimetekeleza kwa kugawa Reflectar"alisema Shaaban

Shaaban alisema  kila sungusungu  ambaye atakuwa Tabata Mtambani atavaa hiyo  Reflectar itakuwa na maandishi  ya kuwatambulisha Polisi Jamii Tabata Mtambani   mda wote wanalinda mchana na usiku na uwepo wao kwa sasa imesaidia uhalifu kupungua katika mtaa huo wananchi wanaishi kwa amani.

Shaban aliwataka wananchi wa Mtaa huo kulipa ada ya ulinzi kwa wakati ili ziweze kutumika katika uwendeshaji wa ofisi yao na kununulia vitendea kazi.

Aidha pia aliwataka Polisi Jamii  wawe wamoja wasiweke mpasuko na viongozi wao.

Alisema Kamanda wa Polisi Mkoa wa Ilala Salum Hamduni anatarajia kuzindua rasmi  Polisi Jamii Tabata Mtambani hivi karibuni.

Kwa upande wake Mwenyekiti wa Serikali ya Mtaa wa Tabata Mtambani Brigita  Nchimbi alipongeza kupokea msaada huo katika Mtaa wake kwa sasa uhalifu umepungua Jeshi la Mtaa huo linafanya kazi nzuri wanashirikiana na Polisi wa Kituo kikuu cha Tabata.

Naye Ofisa Mtendaji wa Mtaa wa Tabata Mtambani Mjata Hiza alisema Ulinzi Shirikishi ni wetu sote  ni moja ya jukumu lake katika Mtaa kuangalia usalama wa Mtaa wake   .

Mjata alisema katika Mtaa wa Tabata Mtambani ana mikakati ya kuongeza askari wa kulinda na kuboresha  mazingira yao ya kazi.