MEYA KIHANGA ATAKA MITI INAYOPANDWA IWEKEWE MAZINGIRA YA UTUNZAJI

 

MSTAHIKI Meya wa Halmashauri ya Manispaa Mrogoro,  Mhe Pascal Kihanga , amewataka wasimamizi walio achiwa miti iliyopandwa kuitunza vyema ili kuendeleza jitihada za walioipanda katika hali ya utunzaji mazingira

Aliyasema hayo katika sherehe ya maadhimisho ya siku ya mazingira duniani ambayo huadhimisho kila ifika juni 5 ambapo Manispaa ya Morogoro imeadhimishwa katika shule ya Morogoro sekondari na kupanda miche ya miti  katika shule hiyo na kufanya usafi wa mazingira Hospitali ya Mkoa kwa kushirikiana na wadau wa mazingira na wananchi.

“Niwaombe hii miti ambayo tumeipanda inahitaji kutunzwa ili  isife kwani lengo lake ni kutunza mazingira lakini pia endapo itakufa inawakatisha tama waliyoipanda kwani wanajitolea hawalipwi na mtu yoyote   tusiwakatishe  tama kwa jitihada zao” Amesema Mhe. Kihanga.

Kwa upande wa Balozi Mazingira Ofisi ya Makamu wa Rais Muungano na Mazingira,  Chege Alex Chage, amesema kuwa suala la Utunzaji wa Mazingira ni Wajibu wa kila Mmoja wetu katika jamii kushirikiana na sekta  Binafsi pamoja na Serikali kwa ujumla .

"Kwa mkoa wetu na Taifa kwa ujumla tumekuwa na kampeni nyingi za Mazingira, tumeanza na wanafunzi kwa kuwa na Kampeni ya Soma na Mti, lakini kwa wananchi nako Ishi na Mti, hizi ni kampeni zenye kulenga uhifadhi wa Mazingira kwa kupanda miti,mimi kwa nfasi ya Ubalozi kazi kubwa ni kumsaidia Waziri wa Nchi, Ofisi ya Makamu wa Rais Muungano na Mazingira Dkt. Suleiman Jaffo kwa ajili ya kutimiza wajibu wake pamoja na kuona Tanzania yetu tuna rudisha Uoto wa asili katika kukabiliana na mabadiliko ya Tabianchi" Amesema Chage.

Hata hivyo zoezi la upandaji miti lilienda sambamba na  wadau wa mazingira kutoka sehemu mbalimbali walitoa elimu kwa ajili ya kulinda mazingira kutokana na mabadiriko ya tabia ya nchi yanayosaabishwa na shughuli  za binadamu.