Diwani Neema wa Viti Maalumu Manispaa ya Ilala atoa zawadi kwa Yatima

DIWANI wa Viti Maalum  Wanawake Manispaa ya Ilala Neema Nyangalilo amesherekea miaka mitatu ya Uongozi wa Rais Magufuli kwa kugawa vyakula katika kituo cha watoto Yatima Msimbazi wilayani Ilala.


Hafla hiyo ya kutembelea watoto yatima wa Msimbazi Diwani Neema aliongozana Umoja wa Wanawake wa( UWT) kata ya Ilala.

"Mimi kama Diwani wa Viti Maalum Wanawake Manispaa ya Ilala  nimpongeza Rais wangu Magufuli katika uongozi wake pia nimetumia siku ya leo kushiriki katika kituo cha  Msimbazi  kuwaona watoto  na kuwapa misaada"alisema Neema.

Neema alisema msafara wake alikuwa na UWT pamoja na viongozi wake waliweza kujifunza jambo kama wazazi mara baada kuona watoto waliotelekezwa  na   walioachwa na wazazi wao kutokana na sababu mbalimbali ikiwepo uzazi.


Aliitaka wananchi  wawe wanatenga muda ama siku katika kutembelea kituo cha watoto yatima.

Wakati huo Diwani Neema alisema kwa sasa mikakati yake ambayo amejiwekea ni kusaidia utoaji elimu kwa vikundi vya Wanawake wa Manispaa ya Ilala ili waweze kupata elimu ya kutosha waandae katiba za vikundi vyao wapate mikopo ya Manispaa kupitia Dar es Salaam Benki (DCB).

Alisema yeye kama Diwani anasimamia utekelezaji wa Chama cha Mapinduzi (CCM)pamoja na madiwani wa manispaa ya Ilala kuakikisha Wanawake wote ambao wamesajili Vikundi kupitia Manispaa pesa wanapata mikopo hiyo hisio na riba .

Alisema kwa sasa mwamko wa wanawake mkubwa katika kujikwamua kiuchumi na wengi wengi wamejingiza katika kujishughulisha katika biashara mbalimbali wameacha maisha tegemezi .


Kwa upande wake Msaidizi Kiongozi wa kulea Watoto yatima  wa Kituo cha Msimbazi  Sisita Maria Ettiene alisema kituo cha Msimbazi kwa sasa wapo watoto 36 wengi hawana mama wazazi wao walikufa kwa uzazi wengine wametelekezwa .

Maria alisema utaratibu wa kupokea watoto wanaletewa na Ustawi wa Jamii .