Mkurugenzi Manispaa ya Morogoro afanya ziara ya Kushtukiza Wodi za Washukiwa wa Ugonjwa wa CORONA.

Mkurugenzi wa Manispaa ya Morogoro, Sheilla Lukuba,  akiongea na Wauguzi katika Wodi hizo.

 wodi ya Washukiwa wa Ugonjwa wa CORONA.

Chumba cha vipimo kwa Washukiwa wa Ugonjwa wa CORONA. 

Mkurugenzi wa Manispaa ya Morogoro , Sheilla Lukuba, akiwa pamoja na timu ya Wataalamu wa afya katika Wodi ya washukiwa wa Ugonjwa wa CORONA.

Jengo la Hospitali ya Manispaa ya Morogoro ambalo linaendelea na Ujenzi lililopo Kata ya Mkundi.

Mganga Mkuu wa Manispaa ya Morogoro, Dr. Ikaji Rashid akifungua maji baada ya Wodi hiyo kuwa na uhaba wa Maji na tatizo hilo limekwisha. 

MKURUGENZI wa Manispaa ya Morogoro, Sheilla Lukuba, amefanya Ziara ya kushtukiza katika  Wodi za Washukiwa wa Ugonjwa wa CORONA zilizopo katika eneo la Ujenzi wa Hospitali ya Manispaa ya Morogoro Kata ya Mkundi .

Ziara hiyo ya kushtukiza imefanyika leo Machi 31, 2020, ambapo Mkurugenzi ameambatana na timu ya Wataalamu kutoka Manispaa ya Morogoro akiwemo Mganga Mkuu wa Manispaa ya Morogoro, Dr Ikaji Rashid pamoja na Muuguzi Mkuu wa Manispaa ya Morogoro, Dr Assela Kavia.

Aidha, Mkurugenzi amewataka Wanaohudumia baada ya kupata Wagonjwa waendelee na moyo wa kufanya kazi na kuwa makini mahala pakazi.

“Najua mpo hapa kwa lengo la kuwahudumia watu, niwaombe wauguzi  msiwanyanyapae endapo kuna wagonjwa watagundulika kikubwa muendelee kutoa huduma bora katika kuokoa afya za Wenzenu, hatuombe tuwe na Wagonjwa lakini tahadhari ni muhimu kikubwa kama Mkurugenzi wenu nimekuja hapa kuona jinsi maandalizi yalivyo nimeridhishwa na mikakati ya hapa nilisikia maji hakuna lakini leo Mabomba yote yanatoka maji ni jambo jema sana nipende kuwatakia kazi njema katika mapambano haya ya Virusi vya Ugonjwa wa CORONA”Amesema Sheilla.