KAMATI YA SIASA WILAYA YA MOROGORO YAMPONGEZA DIWANI KATA YA MAZIMBU KWA UTEKELEZAJI BORA WA ILANI YA CCM.

Kiapo kikiendelea kufuatia mwanachama wa CHADEMA , Ndg. Peter Mgaya (kulia)  kujiunga na CCM leo.

Diwani wa Kata ya Mazimbu na Mstahiki Meya wa Manispaa ya Morogoro, Mhe. Pascal Kihanga akinyoosha juu Taarifa yake ya Utekelezaji wa Ilani ya CCM akiwa na furaha huku wakisakata muziki.

Diwani wa Kata ya Mazimbu, Mhe. Pascal Kihanga, akizungumza mbele ya Mwenyekiti wa CCM Wilaya ya Morogoro Mjini, Ndg.

Fikiri Juma (kulia) mara baada ya kutembelea ujenzi wa madaras aya Shule ya Sekondari Kihonda.

Kamati ya Siasa Wilaya ya Morogoro Mjini ikiongozwa na Mwenyekiti Ndg. Fikiri Juma wakiwa katika Shule ya Msingi mazimbu A wakiongozwa na Diwani wa Kata hiyo, Mhe. Pascal Kihanga.

Mwalimu Mkuu wa Shule ya Msingi Mazimbu A akitoa taarifa fupi ya Shule hiyo mbele ya Mwenyekiti wa CCM Wilaya ya Morogoro Mjini, Ndg. Fikiri Juma na Diwani wa Kata ya Mazimbu , Mhe. Pascal Kihanga.

Mwenyekiti wa CCM Wilaya ya Morogoro Mjini, Ndg. Fikiri Juma pamoja na wajumbe wa Kamati ya Siasa wakikagua Ujenzi wa Zahanati ya Kata ya Mazimbu wakiongozwa na Diwani wa Kata hiyo ,Mhe. Pascal Kihanga.

Zahanati ya Kata ya Mazimbu ikiwa katika haatua ya upauaji. 

Wanachama wa Chama Cha Mapinduzi CCM wakiwa katika mkutano kwenye Ukumbi wa Mehayo Kata ya Mazimbu kusikiliza taarifa ya Utekelezaji wa Ilani ya CCM  ya miaka 4 ya Uongozi wa Mhe. Diwani wa Kata ya Mazimbu , Mhe. Pascal Kihanga .

Katibu Mwenezi wa CCM Wilaya ya Morogoro Mjini, Comrade Maulid Chambilila akizungumza kabla ya kumkaribisha Mwenyekiti wa CCM Wilaya ya Morogoro Mjini, Ndg. Fikiri Juma kuzungumza na Wana CCM.

Mwenyekiti wa CCM Wilaya ya Morogoro Mjini, Ndg. Fikiri Juma , akipokea Kadi ya aliyekuwa Mwanachama wa Chama  Cha CHADEMA , Peter Mgaya, baada ya kujiunga na CCM leo.

Mwenyekiti wa CCM Wilaya ya Morogoro Mjini, Ndg. Fikiri Juma , akimkabidhi ya CCM aliyekuwa Mwanachama wa Chama  Cha CHADEMA , Peter Mgaya, baada ya kujiunga na CCM leo.

Kamati ya Siasa ya Wilaya ya Morogoro Mjini, ikiongozwa na Mwenyekiti Fikiri Juma, imempongeza  Diwani wa Kata ya Mazimbu ambaye ni Mstahiki Meya wa Manispaa ya Morogoro, Mhe. Pascal Kihanga,pamoja na   uongozi wa Kata hiyo   kwa usimamizi mzuri wa miradi ya maendeleo na utekelezaji wa Ilani ya Chama Cha Mapinduzi.  

Mwenyekiti wa Kamati ya Siasa Wilaya ya Morogoro Mjini, Ndg. Fikiri Juma, ametoa pongezi hizo leo Machi 14, 2020  kwenye Mkutano wa Diwani aliouandaa kwa ajili ya kusoma taarifa za Utekelezaji wa Ilani ya Chama Cha Mapinduzi (CCM) katika kipindi chake cha muda wa miaka 4 tangia aingie madarakani chini ya Uongozi wa Serikali ya Awamu ya Tano, ya Mhe. Dkt. John Pombe Magufuli.

Akizungumza na Wanachama waliojitokeza katika mkutano huo ulioandaliwa na Diwani wa Kata ya Mazimbu, Fikiri amesema kuwa amefurahishwa  na ubora wa miradi waliyoikagua katika Kata hiyo.

“ Tumefurahi kuona Viongozi na wataalamu wanatusaidia kusimamia utekelezaji wa Ilani ya Uchaguzi ya Chama Cha Mapinduzi (CCM) ya mwaka 2015/2020  kuhakikisha kile tulichoahidi wananchi kimetekelezwa kwa asilimia kubwa na hivyo kuturahisishia majibu kwa wananchi, lakini ningependa kuwaomba Viongozi wa Chama na Serikali zidisheni upendo na ushirikiano bora wenye tija katika kutatua kero za wananchi wenu waliwaamini wakiamini kuwa mnaweza sasa fanyeni kazi msitegeane maendeleo hayana chama ” Amesema Fikiri.

“Niwapongeza sana Kamati ya Maendeleo ya Kata kwa kushirikiana  na Chama pamoja na Serikali kuibua miradi mikubwa kama hii kwa ajili ya maendeleo ya wananchi wenu, kwani Serikali imewekeza fedha nyingi pamoja na nguvu ya wananchi , kwahiyo niseme mmefanya vitu vyenye uhakika sisi kama Wilaya  tumeridhika na hiki tulichokiona, umoja wenu unadhiilisha kuwa mpo vizuri, asanteni wote kwa kazi nzuri.” Ameongeza Fikiri.

Amesema kuwa kitendo cha kwenda kukagua miradi katika Kata hiyo kabla ya kuanza mkutano ni miongoni mwa majukumu yao yenye lengo la kukagua miradi ya maendeleo kama ilivyoahidiwa na chama cha mapinduzi (CCM) wakati wa kampeni za uchaguzi za mwaka 2015 kwa lengo la kujua utekelezaji wa ilani ya chama.

Kwa upande wa Diwani wa Kata ya Mazimbu na Mstahiki Meya wa Manispaa ya Morogoro, Mhe. Pascal Kihanga, ameishukuru kamati ya siasa kwa ushirikiano wao na kuahidi kuendelea kusimamia kwa makini zaidi miradi hiyo katika kuunga mkono juhudi za Mhe. Rais Dkt.  John Magufuli.

Amesema kuwa tangia aingie madarakani mwaka 2015,  kuna miradi ilikuwa haijatekelezwa lakini kwa jitihada zake yapo mambo mbalimbali ameyafanya nakuleta maendeleo katika Kata hiyo.

Amesema miradi ya maendeleo walioifanya na Uongozi wake wa Kata imeonyesha dhahiri kwamba Ilani ya CCM imetekelezwa kwa mafanikio makubwa sana na kuthibitisha jinsi ambavyo Serikali ya Awamu ya Tano Chini ya Uongozi wa Mhe. Dkt John Magufuli inavyowaletea Wananchi Maendeleo ya uhakika kwenye Kata ya Mazimbu , Mkoa wa Morogoro na Tanzania kwa ujumla.

Amesema kuwa Kata ya Mazimbu ina Shule za Serikali tatu, ambapo kati ya hizo Shule mbili ni za msingi yaani Mazimbu A na B pamoja na Shule ya Sekondari Kihonda .

Aidha amesema miongoni mwa usimamizi wa Shule za Msingi Mazimbu A mambo yaliyotekelezwa ni pamoja na kuhamasisha ujenzi wa Chumba cha Kompyuta kilichojengwa mwaka 2017 na kukamilika 2019, kuhamasisha ujenzi wa Chumba cha darasa kilichojenwa tangu Disemba 2018 na kukamilika 2019 Julai ambapo wananchi walichangia Shilingi 8,000,000/= na Serikali ilitoa Shilingi Milioni 12,500,000/=, amechangia uwekeaji wa umeme shuleni hapo kwa kutoa shilingi 495,000/=, kutafuta wafadhili wa kujenga na kununua tanki la maji lenye ujazo wa lIta 2000 kwa Shule Mazimbu A  amewezesha kufanya mitihani kwa darasa la saba kwa kutoa shilingi 100,000/=, alitoa motisha kwa Waalimu baada ya ufaulu mzuri kwa matokeo ya darasa la sabaya mwaka 2017 na 2018  kwa kutoa shilingi laki 5,000,000/=pamoja na kutoa madawati 10 yenye thamani ya shilingi 1,000.000/=.

Amesema kwa kutambua na kuthamini i kazi kubwa zinazofanywa na Ofisi ya Afisa Mtendaji amehamasisha na kusimamia ukarabati wa Ofisi hiyo ya Kata ambayo pamoja na ukongwe wa Ofisi hiyo pia ilikuwa inavuja sana hali iliyokuwa ikipelekea kulowa kwa nyaraka mbalimbali na uharibifu mwengine mwingi ambapo kwa sasa Ofisi hiyo iko vizuri licha ya kuhitaji ukamilishwaji.

Kwa upande wa Shule ya Msingi Mazimbu B, miongoni mwa vitu alivyovitekeleza ni pamoja na kuhamasisha kuongeza chumba kimoja cha darasa ambacho kimekamilika na tayari wanafunzi wameanza kukitumia, kuhamasisha uwekaji wa umeme kwenye Ofisi ya Mwalimu Mkuu pamoja na Ofisi ya Waalimu, kutafuta wafadhili wa kujenga na kununua tanki la maji lenye ujazo wa lIta 2000, kuhamasiha na kusimamia ukarabati wa matundu ya vyoo, kuhamasiha ukarabati wa vyumba vya madara kwa kupiga rangi madarasa yote, kuhamasisha uanzishwaji wa madarasa ya vyumba viwili ambavyo vimefikia hatua ya madirisha ambapo chini ya usimamizi wake pia ufaulu wawanafunzi wa darasa la saba  kwenda kidato cha kwanza umeongezeka kutoka asilimia 97.47% hadi kufikia asilimia 100%.

Kuhusu Sekta ya Afya, Chini ya Uongozi wa Mhe. Pascal  Kihanga Kata ya Mazimbu haikuwa na Zahanati lakini kwa sasa tayari wameshaanza ujenzi na Mhe. Kihanga  amechangia kiasi cha Shilingi laki tatu (300,000/=) katika kuunga mkono ujenzi wa Zahanati ya Kata ya Mazimbu ambapo ujenzi huo  unaoendelea na  kwa sasa umefikia hatua ya upauaji

Kwa upande wa Sekta ya Mazingira , Mhe.Kihanga, amehamasisha uasfi wa mazingira kwenye Mitaa yote na kwa kusimamia kanuni na miongozo mbalimbali ya Halmashauri kwa kushirikiana na Baraza la Maendeleo la Kata wamehakikisha kuwa kinapatikana Kikundi kimoja cha Usafi Msimamo Group huku akiendelea kushirikiana na Viongozi wa ngazi zote kuhakikisha kuwa usafi wa mazingira unaboreka katika Kata ya Mazimbu.

Aidha, Mhe. Kihanga hakuacha mbali Sekta ya Miundombinu ambapo ametekeleza mabo kama vile marekebisho ya mara kwa mara ya barabara itokayo Mataa hadi Ipoipo, uwekaji wa kivuko cha wapiti kwa miguu Barabara ya FK, Ujenzi wa barabara ya Barakuda kwa kiwango cha Lami, ambapo kwa kutambua adha wanazozipata wananchi wake na kuwajali alihamasisha na kuchangia ufukuaji wa Mto Ngerengere ambapo mto huo ulifukuliwa ili kuongeza kina na kuupa muelekeo mto huo kuzuia uzaagaaji wa maji na kuingia kwenye makazi ya wananchi.

Kwa upande wa Ulinzi na Usalama, Mhe. Kihanga ,ameendelea kushirikiana na Uongozi wa Serikali za Miataa na Kata kuhakikisha kuwa ulinzi unaimarishwa katika maeneo yote ambapo kwa kushirikiana na Mtendaji wa Kata na Baraza la Maendeleo la Kata wamehakikisha Kata imepata Polisi Kata ambaye amekuwa akitoa ushirikiano mkubwa kuhakikisha ulinzi na usalama unaimarika.

Kuhusua Sekta ya Maendeleo ya Jamii, Mhe. Kihanga,amehamasisha Vijana , Wanawake na watu wenye ulemavu kujiunga na kwenye vikundi na kusimamia na kuhakikisha wanapatiwa mikopo ya Halmashauri , ambapo mwaka 2016 Vikundi vya Neema Group  (Modeco a, Youth and Woman Association (Modeco B), UWT Vicoba (Mazimbu darajani), na Agro Interprises (Mazimbu darajani), mwaka 2017 UWT (Boma B), Mazimbu Vijana Spider (Boma A), WEMAMA Group (Boma A) na watengeneza majiko (Modeco A), Mwaka 2018 Tushikamane Wanawake (Nguzo), Morogoro Carvings, Mazimbu Vijana Spider (Boma A) na Mazimbu Darajani Vicoba na Youth Organization (Reli), Mwaka 2019 Wanawake wapambanaji (Boma A), Tumaini Group (Modeco B) na Nyota njema (Modeco A)  huku akivipongeza vikundi vya Wanawake kwa kuwa mastari wa mbele kurejesha fedha .

Lakini Mhe. Kihanga hakuwa nyuma sana kwani amekuwa mstari wa mbele kuunga mkono juhudi mbalimbali za kimaendeleo ndani ya Kata , huku kila mwaka akichangia Siku ya Maadhimisho ya Wanawake Duniani ambayo Kata ya Mazimbu huadhimisha kabla ya kilele cha jumla ambapo mwaka 2017/2018  alitoa shilingi 50,000/=, Mwaka 2019 alijitolea utengenezaji wa madawati ambayo wakina mama walikabidhi katika Shule ya Msingi Mazimbu A pamoja na pesa Shilingi 50,000/= huku mwaka huu akichangia shilingi 50,000/= wakina mama walipotembelea Walemavu wa Kituo cha Mehayo pamoja na kuhudhuria maadhimisho hayo.

Mhe. Kihanga kwa kutambua umuhimu wa michezo ameendesha Ligi ya Vijana ambayo ilihusisha timu kutoka Mitaa yote saba ndani ya Kata ya Mazimbu ambapo alijitolea Jezi kwa timu zote saba na mpira mmoja kwa kila timu huku akitoa misaada mbalimbali ya kimichezo ikiwa ni pamoja na kuwafadhili mipira miwili Shule ya Msingi Mazimbu A na B.

Aidha, amesema kuwa kipimo cha Uongozi ni pale mtu anapopewa maelekezo akayafanyie kazi na kama hajayafanyia kazi basi mtu huyo hatoshi kuitwa Kiongozi.

Amewataka Wenyeviti wapya wa Serikali za Mitaa waige mazuri waliyokuwa wakiyafanya waliowatangulia kwani mambo asilimia kubwa ya maendeleo yaliyopatikana katika Kata hiyo yametokana na jitihada zao katika kushirikiana

Hata hivyo amechukua nafasi ya kumpongeza Mhe. Rais wa Jamhuri ya Muungano wa Tanzania, Dkt. John Magufuli, kwa kuipatia Manispaa ya Morogoro fedha za miradi ya Maendeleo hususani miradi ya Kimkakati.

Miongoni mwa miradi aliyoitaja iliyotekelezwa katika Halmashauri ya Manispaa ya Morogoro ni pamoja na Ujenzi wa Soko Kuu la Kisasa, Stendi ya Msamvu, Stendi mpya ya Daladala Mafiga, Stendi ya daladala Kaloleni, Jengo la Kitega uchumi DDC, Mto Kikundi

Katika ziara ya kamati ya Siasa ya Wilaya ya Morogoro Mjini miradi iliyotembelewa ni pamoja na  miradi ya Afya, Elimu, na Miundombinu,

Naye Mwenyekiti wa CCM Kata ya Mazimbu, Liberati Njaru, amesema kuwa , Diwani Kihanga, amekuwa akishirikiana na jamii nzima pasipo kujali itikadi za kisiasa , dini wala jinsia katika shughuli mbalimbali za shida na raha zinapotokea pamoja na kuwasaidia wanaopatwa na majanga mbalimbali na misiba

“Tumepata Diwani CCM tunaomba mturudidhie huyu mtu kwani amekuwa karibu sana na mtekelezaji mkubwa wa shughuli za Chama Cha Mapinduzi kuanzia ngazi ya Shina hadi Kata , amekuwa akishiriki kwa hali na mali katika kuhudhuria na kuchangia katika shughuli mbalimbali za Chama na Jumuiya zake” Amesema Njaru.