Manispaa ya Morogoro yawawakumbuka Watoto yatima Kituo cha Mgolole kuelekea Maadhimisho ya Siku ya Wanawake Duniani.

Viongozi wa Manispaa ya Morogoro wakiwa pamoja na Watoto wanaolelewa katika Makao ya  Mgolole baada ya kutoa zawadi ya vyakula katika kuelekea maadhimisho ya Siku ya Wanawake Duniani.

Zawadi za vyakula zilizotolewa na Manispaa ya Morogoro kushirikiana na Idara ya Maendeleo ya Jamii katika sehemu mbali mbali ikiwamo Gereza la Wanawake pamoja na Kituo cha Kulelea Watoto Yatima cha Mgolole kwa ajili ya maadhimisho ya Siku ya Wanawake Duniani yatakayofanyika siku ya Jumapili Tarehe 8, Machi 20202 kwenye Uwanja wa Jamhuri yakiambatana na maandamano kuanzia saa 2;30 asubuhi kuanzia Ofisi ya Manispaa.

HALMASHAURI ya Manispaa ya  Morogoro imefanya matembezi ya kuwakumbuka Watoto Yatima na wanaoishi katika Mazingira kwa kutekeleza utoaji wa zawadi wa Vyakula katika Makao ya kulelea watoto yatima na wanaoishi katika mazingira magumu cha MGOLOLE kilichopo Manispaa ya Morogoro.

Akikabidhi vitu hivyo vyenye thamani ya Shilingi laki 300000/= , kwa niaba ya Mkurugenzi, Afisa Ustawi wa Jamii Manispaa ya Morogoro, Sidna Mathias, amesema kuwa Manispaa ya  Morogoro kupitia Idara ya Maendeleo ya Jamii kwa ujumla iko pamoja nao na itaendelea kushirikiana nao kwa mazuri na changamoto yeyote katika makao hayo na wasisite  kutoa taarifa pale wanapokuwa na tatizo lolote.

Miongoni mwa vyakula vilivyotelewa ni pamoja na Samaki kilo 17 sawa na shilingi 135,000/=, Vitunguu maji kilo 20 sawa na shilingi 60,000/=, Vitunguu swaumu kilo 5 shilingi 40,000/=, Nyanya maji sado 5 shilingi 55,000/=.

“Nimmefurahishwa sana na huduma mnazowapatia watoto wetu, kwakweli mnastahili pongezi kubwa ni wachache wenye moyo kama wenu wa kuwasaidiahawa watoto, msikate tamaa endeleeni na malezi bora mwenyezi mungu atawabariki sana chukueni hiki kidogo tulichowaletea ikiwa ni sehemu yetu ya kusherekea maadhimisho ya Siku ya Wanawake Duniani  na watoto wetu wajisikie huru na Amani badala ya kuwa wapweke”Amesema Sidna.

 Kwa upande wa Mratibu wa Mratibu wa TASAF Manispaa ya Morogoro, Feliciana Katemana , amesema kuwa huo ni mwendelezo wa ushirikiano mzuri unaoendelea kufanyanywa na Halmashauri ya  Manispaa ya Morogoro ambapo Manispaa imekuwa na utaratibu wa kuleta miasaada mbalimbali kwa kushirikina na Ofisi ya Mkuu wa Wilaya na wadau wengine.

Amesema vyakula hivyo ni njia moja wapo ya kuwatia nguvu wale wanaowalea Watoto na waendelee na moyo wa kuwasaidia  watoto hao hadi pale watakapo pata mwangaza wa maisha yao.

“Watoto niwaombe msome sana mkizingatia hakuna urithi Zaidi ya elimu, Serikali ya awamu ya tano chini ya Mhe. Rais Dkt. John Magufuli imewekka mpango wa elimu bila malipo msome sana ili nayi baadae muweze kuwa na masiha mazuri na kuendesha familia zenu” Amesema Katemana.

Aidha, Katemana, amechukua nafasi kwa niaba ya Mkurugenzi wa Manispaa ya Morogoro, kuwakaribisha wananchi wa Manispaa ya Morogoro  kujitokeza na kuhudhuria kwa wingi katika maadhimisho ya Siku ya Wanawake Duniani yatakayofanyika katika Uwanja wa Mpira wa Miguu wa Jamhuri siku ya Tarehe 8, Machi 2020 , Jumapili  ambapo maadhimisho hayo yataambatana na Maandamano yatakayoanzia katika Ofisi ya Manispaa kuanzia saa 2:30 Asubuhi. 

Naye, Mlezi wa Makao hayo, Sister Palagia Maria, ameushukuru Uongozi wa Manispaa ya Morogoro ikiwamo Ustawi wa Jamii kwa kuwa karibu nao huku akiwataka wasikate tamaa kwani wao wanategemea pia misaada kutoka kwa wahisani.