NEMC kutowavumilia Wazalishaji, uingizaji na matumizi ya mifukombadala aina ya Non-Woven isiyokidhi viwango vya 70 Gram Per Square Metre (GSM)kutumika nchini.

Afisa Mazingira Mwandamizi na Mkaguzi wa Mazingira, Baraza la Taifa la Hifadhi na Usimamizi wa Mazingira (NEMC), Abella Mayungi akiwa katika msako.

BARAZA  la Taifa la Hifadhi na usimamizi wa mazingira (NEMC) , wamesema kamwe hatakuwa tayari kuwavumilia Wazalishaji , Waingizaji wa Mifuko mbadala isiyokidhi  viwango vya 70 Gram Per Square Metre (GSM)kutumika hapa nchini.

Hayo yamesemwa na   Afisa Mazingira Mwandamizi na Mkaguzi wa Mazingira, Baraza la Taifa la Hifadhi na Usimamizi wa Mazingira (NEMC), Abella Mayungi wakati wa kuhitimisha zoezi la msako wa mifuko hiyo katika Manispaa ya Morogoro leo Januari 24,2020.

Akizungumza na Waandishi wa habari, Mayungi, amesema kitendo cha  Serikali kupiga marufuku matumizi ya mifuko ya plastiki nchini  na kutoa fursa kwa wawekezaji kuagiza na kuzalisha mifuko mbadala ili kukidhi soko la ndani kisiwe kisiwe fursa ya uchafuzi wa mazingirra na kujitengenezea mifuko hiyo kiholela bila kuthibitishwa na TBS.

Muuza duka akisaini fomu ya faini na maelezo baada ya kukutwa na mifuko ya plstiki .

Aidha amesema katika Upande wa Manispaa ya Morogoro elimu imetumika na kufanya kila mwananchi kuwa na uelewa juu ya matumizi , uzalishaji na usambazaji wa Mifuko mbadala isiyokidhi viwango japo kuna baadhi ya maeneo yameonekana na shida licha ya kushindwa kuwabaini wazalishaji wa mifuko hiyo.

Amesema kuwa wapo Wafanyabisahara wasio waaminifu kutaka kuingiza mifuko isiyokidhi viwango aina ya Non-Woven na kujikuta kila uchwao wakizidi kutengeneza na kusambaza mifuko hiyo kinyume na sheria.

“Kumeanza kujitokeza uvunjifu wa sheria katika uzalishaji na uingizaji wa mifuko mbadala aina ya non-woven. Shirika la Viwango Tanzania (TBS) limeweka vigezo vya mifuko mbadala aina ya non-woven inayoweza kutumika nchini ikiwa ni pamoja na Uzito usiopungua GSM 70 (Gram per Square Metre), iweze kurejelezwa, Ioneshe uwezo wa kubeba, anuani ya mzalishaji naiwe imethibishwa na Shirika la Viwango Tanzania (TBS)” amesema Mayungi. 

Amefafanua kuwa malighafi inayotumika na Viwanda vya ndani imekuwa ikipelekwa nje, hivyo Serikali imeweka masharti magumu kwa lengo la kulinda viwanda vya ndani na kuruhusu kusafirishwa kwa malighafi ambayo haitumiki hapa nchini.

Siku ya tano ya Ukaguzi na msako mkali  wa kutembelea maeneo mbalimbali kwa ajili ya kubaini mifuko mbadala  isiyokidhi viwango pamoja na mifuko ya plastiki ambayo bado inaendelea kutumika ambapo leo NEMC kwa kushirikiana na Ofisi ya Mkoa wa Morogoro pamoja na Maafisa wa Halmsahuri ya Manispaa ya Morogoro wamehitimisha zoezi hilo.