DC Mjema amtaka Meneja mpya Soko la Samaki Feri kujipanga katika kutatua kero za wafanya biashara hao.

MKUU wa Wilaya Ilala Mh Sophia Mjema , amemtaka Meneja Mpya wa Soko la  Samaki Feri kujipanga na Timu yake  ili Kuona uwezekano wakuzitatua kwa haraka kero za wafanya biashara hao.

Hayo ameyasema Leo Oktoba 9/2019 ,ikiwa ni ziara yake  ya kutatua kero za Wananchi katika Manispaa ya Ilala.


Amesema amepokea Changamoto nyingi lakini kubwa ikiwamo baadhi ya wafanya biashara kuingiliana majukumu katika Kanda zao za biashara kitu ambacho amekipinga vikali.


 " Nimesikia kuna mwingiliano wa zone zenu za biashara, namuagiza Meneja nenda kakae uandike vibao vinavyo onyesha mipaka ya zone na biashara zake ili kukwepa muingiliano wa kibiashara atakaye kiuka mchukulie hatua" Amesema Mjema.


Amesema ni jambo jema  Kuona miradi iliyoahidiwa  na Mh Rais Dkt John Magufuli imefikia 90%.

 pia amefurahishwa kuwepo kwa Red Cross ( hudua ya kwanza), huku akisema huduma hiyo itasaidia sana wakati wa kutokea Janga la moto na kuokoa Mali na bidhaa za wafanya biashara hao.

  Pia amemuagiza Meneja wa Soko hilo ,kuhakikusha anakaa na wafanya biashara  wake wanao miliki  vyombo vya moto ili  kuona jinsi ya kutatua kero zao juu ya  kulipishwa tozo za egesho ( Parking).

Kuhusu mama lishe zone namba 5 kuwe kewa geti  , DC Mjema amesema Uongozi wa Soko hilo ukae  UDART waone jinsi wanavyoweza kuyaweka sawa ili Kuona jinsi gani pande zote mbili zinaweza kuwa salama na kukwepa uharibifu utakaojitokeza.

Naye Mkuu Wa Soko la  Samaki Feri , Ngugu Dennis Mrema, amesema maagizo yote atayafanyia kazi.