KIPIRA ATUMA SALAMU KWA VIJANA KUMBUKIZI YA MASHUJAA

MWENYEKITI wa Jumuiya ya Wazazi CCM Wilaya ya Morogoro Mjini, Ndg. Salum Kipira,  amewahasa vijana kuwa wazalendo na kuifia nchi yao.

Ameyesema hayo kwa njia ya Simu akihojiwa na chanzo cha Chombo huru Media katika maadhimisho ya siku ya mashujaa Kitaifa yanayoadhimishwa Julai 25/2023.

Kipira ,amesema kumbukumbu ya mashujaa walioipigania nchi ni fundisho kwetu kuendelea kudumisha amani, umoja na mshikamano ili nchi yetu iwezo kusonga mbele.

"Tuwe wazalendo wa Taifa letu, sisi viongozi wa Chama na Serikali  kazi yetu ni kuendelea kuhimiza uzalendo kwa Vijana wetu, hakuna maendeleo kama uzalendo utaachwa, leo tunaadhimisha Siku ya Mashujaa lakini yote ni kwa ajili ya uzalendo,  Mashujaa hawa tunaowakumbuka  waliweza kuipigania nchi na kutanguliza uzalendo na ndio maana leo nchi yetu ina amani na utulivu mwingi" Amesema Kipira.