DC CHONJO APOKEA MABATI M100 KUTOKA KAMPUNI YA UJENZI NANDHRA.

Mkuu wa Wilaya ya Morogoro, Mhe. Regina Chonjo, (kulia) akipokea Mabati yaliyotolewa na Kampuni ya Ujenzi ya Nandhra. 

Mabati yaliyotolewa na Kampuni ya Nandhra.

Mkurugenzi wa Manispaa ya Morogoro, Sheilla Lukuba, akitoa neno la shukrani baada ya kukabidhiwa mabati.

MKUU wa Wilaya ya Morogoro, Mhe. Regina Chonjo, amepokea Mabati 100 kutoka katika Kampuni ya Ujenzi ya Nandhra inayosimamia miradi mikubwa ya Kimkakati  Manispaa ya Morogoro ikiwamo Ujenzi wa Soko Kuu la Kisasa pamoja na Stendi Mpya ya Daladala.

Tukio hilo la kukabidhiwa  Mabati hayo limefanyika leo Mei 28, 2020 nje ya Ofisi yake .

Akizungumza na Waandishi wa habari , ameishukuru Kampuni hiyo kwa msaada walioutoa huku  akiziomba  Kampuni nyengine za Ujenzi zilizopo Manispaa ya Morogoro pamoja na Wilaya ya Morogoro, waweze na wenye we kurudisha kidogo ile asilimia wanayopata kwa ajili ya maendeleeo ya Wananchi wa Morogoro.

“Tunashukuru kwa mchango wenu, tunashukuru kwa kuwa mnatambua thamani ya elimu ndio maana mkaona msaidie Mabati kwa ajili ya Shule zetu , hata nyie kama msingepata elimu hata hivyo vigezo vya kuwa wakandarasi msingevipata, na hata katika uombaji wa tenda lazima ueleze vigezo na utaalamu wako lakini utaalamu huo huo umetokana na kupata elimu, nawashukuru sana naamini mchango huu utakwenda kufanya kazi kama ilivyoelekezwa na nyie mtaiyona yenye manufaa katika Manispaa yetu’’ Amesema DC Chonjo.                                                                                                                                                                                                                                                                                                                                                                                                                         

Aidha, amesema katika Mabati 100 waliyokabidhiwa, Mabati 50 watayaelekeza katika Shule ya Msingi Mji Mkuu kama mkopo ili yaendeleze  ujenzi na watakapopewa mabati yao watayarudisha kwa ajili ya kuelekeza  katika  Shule nyengine.

“”Mkurugenzi nakukabidhi Mabati haya 100, Mabati 50 tuwakopeshe Shule ya Msingi Mji Mkuu maana kuna ahadi nyengine ya Mhe. MNEC  wa Taifa Hassan Bantu ambaye aliahidi Mabati 50 katika Shule hiyo, lengo la kuwakopesha ni kwamba haya tunayowapa yakamalizie ile kazi na atakapo yaleta hayo 50 aliyoyaahidi mwisho wa mwezi huu  tutayarejesha ili Shule nyengine zenye matatizo mfano Shule ya Kihonda nimeambiwa inavuja hivyo yaelekezwe huko kwa idadi ambayo itamaliza matatizo na yatakayobakia mtaangalia shule nyengine zenye matatizo au Zahanati “ Ameongeza DC Chonjo.

Hata hivyo, ametoa rai kwa Wananchi wa Morogoro kwamba waanzishe miradi katika maeneo yao na hatua ambazo watafikia Uongozi wa Wilaya , Manispaa na Wadau wengine wa maendeleo watasaidia.

Katika hatua nyengine ,amewaomba Watendaji wa Kata kuendelea na Zoezi la kuongeza Madarasa na wale watakaonza ujenzi huo mfano Diwani au Mtendaji atayesema tayari ameanzisha basi Uongozi wa Wilaya na Manispaa utakuwa na jukumu la kumalizia.

Kwa upande wa Mkurugenzi wa Manispaa ya Morogoro, Sheilla Lukuba, ameishukuru Kampuni ya Ujenzi wa Nandhra ambao ndio Mkandarasi Mkuu wa Mradi wa Ujenzi wa Soko Kuu la Kisasa, Stendi mpya ya Daladala pamoja na Stendi ya Kaloleni kwa mchango wao wa Mabati kwa jili ya manufaa ya Morogoro na Sekta ya Elimu kwa ujumla.

“ Tunawashukuru kwa Mabati ambayo mmetupatia ambayo yatakwenda kusaidia kwenye shule zetu, kuna ambazo ni kongwe ambazo baadhi zinavuja lakini pia kuna shule ambazo tunazifufua , lakini shukrani zaidi zimuendee  Mbunge wetu wa Morogoro Mjini, Mhe. Abdulaziz Abood kwa jihudi zake za kuwa karibu na wananchi wake na kutusaidia kwa vitu mbalimbali katika Manispaa yetu ya Morogoro ‘’Amesema Lukuba.

Lukuba ,amewaomba wadau wengine wa maendeleo wanaoguswa na masuala mazima ya elimu , afya katika Manispaa ya Morogoro waendelee kujitokeza na kutoa misaada zaidi na kuunga  mkono juhudi zinazofanya na Rais wa Jamhuri ya Muungano wa Tanzania, Mhe. Dkt John Pombe Magufuli

Naye Msimamizi wa Mradi wa Soko Kuu la Kisasa Morogoro, Eng. Charles Richard, amesema wametoa mabati hayo kwa ajili ya kuunga mkono Sekta ya elimu ambayo imekuwa ikipewa kipaumbele na   Mhe. Rais Dkt John Magufuli kwa ajili ya kuisogeza sekta mbele kwa maendeleo ya Taifa kwa ujumla.

  

“Tunakuhakikishia Mkuu wa Wilaya kwamba hiki tulichotoa itakuwa sio mwisho tutaendelea kushirikiana ili tuweze kurudisha kwa jamii asilimia zitakazo kwenda kufanya shughuli nyengine, lengo ni kuhakikisha Sekta ya elimu inakuwa na inafanikiwa” Amesema Eng. Charles.