Katibu CCM Wilaya Morogoro Mjini awataka Madiwani kuwaeleza Wananchi Serikali ilichowafanyia katika Kata zao.

Katibu wa Chama Cha Mapinduzi (CCM) Wilaya ya Morogoro Mjini, Sofia Kibaba,akizungumza na na Madiwani katika Semina ya Mafunzo ya Maadili kwa Madiwani wa Manispaa ya Morogoro iliyofanyika kwenye Ukumbi wa Chuo cha Ualimu Kigurunyembe.

KATIBU wa Chama Cha Mapinduzi (CCM) Wilaya ya Morogoro Mjini, Sofia Kibaba, amewataka Madiwani kuamka usingizini na kuwaeleza Wananchi mambo ambayo  Serikali imewafanyia katika Kata zao.

Kauli hiyo ameitoa Mei 19, 2020, katika Semina ya Mafunzo ya Maadili kwa Madiwani wa Manispaa ya Morogoro iliyofanyika kwenye Ukumbi wa Chuo cha Ualimu Kigurunyembe.

Akizungumza na Waandishi wa habari, Kibaba, amesema Wanasiasa mtaji wao ni wananchi hivyo wana kila sababu Madiwani kuwaeleza Wapiga kura wao ni mambo gani yametekelezeka katika kipindi cha miaka 5,  tangia wapate nafasi ya kuchaguliwa katika uchaguzi Mkuu uliofanyika mwaka 2015.

Amesema kama Madiwani wataendelea kukaa kimya , Chama Cha Mapinduzi au Madiwani itakuwa ni vigumu kwa Wananchi kushindwa kujua ni mambo gani Serikali imewafanyia katika miaka yote mitano tangia 2015/2020.

“Madiwnai waamke sasa,wote tunafahamu kuwepo kwa ugonjwa wa CORONA , lakini sio lazima wakae katika msongamano, hata wakiongea na Wajumbe wa Serikali za Mitaa, Wenyeviti wa Mitaa yao kwa awamu , wakikutana na wazee maarufu na ile mikutano iliyoruhusiwa haitakuwa jambo baya, kikubwa njia hizo itakuwa ni salamu tosha kwa wananchi kujua nini Serikali yao imewafanyia katika maeneo yao na itawasafishia njia  Chama na wale wenye mpango wa kurudi tena katika nyadhifa,” Amesema Kibaba.

“ Tunafahamu kuna  utekelezaji wa Ilani ya Chama kwa upande wa Kitaifa, Kimkoa, Kiwilaya na hata katika upande wa ngazi ya Kata ambapo yapo mambo ambayo  ameyatekeleza katika kipindi chote cha miaka mitano, kwa sababu muda sio mrefu wanakwenda kumaliza muda wao na Baraza la Madiwani litavunjwa na wataonekana kama wananchi wa kawaidia na hatoweza kuonana na wananchi tena hadi taratibu za Chama zitakotangazwa, ni jukumu lao sasa kuwaeleza wananchi mambo ambayo waliyaahidi kwenye uchaguzi wa mwaka 2015 , vingapi wamevitekeleza ili wananchi wawe na uelewa wa nini Serikali ya Chama Cha Mapinduzi Chini ya Mhe. Dkt John Magufuli vimefanyika katika kipindi hiki “ Ameongeza Kibaba.

Katika hatua nyengine, Kibaba, amewataka Madiwani wahakikishe wananzingatia suala la maadili huku akisema Diwani yeyote amabye atakwenda kinyume na maadili ndani ya Chama na kama Diwani atachukuliwa hatua kali za kisheria kwa mujibu wa utaratibu ndani ya Chama.