Mkurugenzi Manispaa Morogoro awakumbuka Watoto Yatima kwa kugawa vyakula Makao ya Dar Ul Muslimeen kwa ajili ya Mwezi Mtukufu wa Ramadhani.

Afisa Ustawi wa Jamii Manispaa ya Morogoro, Sidina Mathias akikabidhi vyakula vilivyotolewa na Mkurugenzi wa Manispaa ya Morogoro kwa Watoto.


Afisa Ustawi wa Jamii Manispaa ya Morogoro, Sidina Mathias, akizungumza na Watoto mara baada ya kukamilika zoezi la ugawaji wa vyakula.

Afisa Ustawi wa Jamii Manispaa ya Morogoro, Sidina Mathias, akigawa Tende.

Matroni wa Makao hayo, Bi. Khadija Allya,akitoa shukrani mara baada ya kukabidhiwa vyakula hivyo.
Vykaula vilivyotolewa leo na Mkurugenzi wa Manispaa ya Morogoro, Sheilla Lukuba ambavyo viliwasilishwa na Afisa Ustawi wa Jamii Manispaa ya Morogoro Bi. Sidina Mathias.

MKURUGENZI wa Halmashauri ya Manispaa ya Morogoro, Sheilla Lukuba, amegawa vyakula katika Makao ya kulelea Yatima na watoto wanaoishi katika mazingira magumu ili kuweza kuwasaidia katika mfungo wa Mwezi Mtukufu  Wa Ramdhani.

Tukio hilo la  ugawaji vyakula limefanyika leo, Mei 8, 2020 katika Makao ya Dar Ul Muslimeen .

Akizungumza baada ya kugawa vyakula hivyo kwa niaba ya Mkurugenzi wa Manispaa ya Morogoro, Afisa Ustawi wa Jamii Manispaa Morogoro, Bi. Sidina Mathias amesema vyakula hivyo amevitoa kutokana na kuguswa kwake na watoto wanaoishi katika mazingira magumu hususani katika kipindi hiki cha mfungo wa Mwezi Mtukufu wa Ramadhan.

Sidina, amesema  miongoni Mwa vyakula vilivyotolewa na Mkurugenzi ni pamoja na  Tambi Kg 25 ,nazi, Viazi vitamu, mihogo, malimau, pilipili manga, sabuni ya unga , maharage Kg 20, mafuta ya kupikia, sabuni, unga wa sembe Kg 25, sabuni ya mnala, Unga wa ngano Kg 25, tende  huku akiahaidi kuleta  sukari ya kilo 25 baada ya kupatikana.

" Huu ni Mwezi Mtukufu Wa Ramadhani, Mkurugenzi wetu wa Manispaa kwa kuguswa na watoto yatima pamoja na wanaoishi katika mazingira magumu yeye binafsi ameona ni vyema katika kipindi hiki cha mfungo akawapatia kile alichonacho ili kuendelea kuwaunga mkono wale amabao wamekuwa wakiwalea siku zote , ametoa vyakula hivi sio kwa Vituo vyote bali ni vituo ambavyo vimekuwa vikimilikiwa chini ya Taasisi za kislamu ili  watoto hao i wafunge funga  zao vizuri na kwa utulivu hususani katika kipindi hiki kigumu cha janga la Ugonjwa wa CORONA  " Amesema Sidina.

“Mkurugenzi amenituma niwaambie Waislamu wote kwamba , hiki ni kipindi kizuri kwahiyo wakitumie vizuri na mambo makubwa na faida wataziona maana ni moja ya nguzo za imani katika Uislamu lakini nafasi hii  ya mfungo ni muhimu ili kupata Afya njema na swawabu nyingi  kutoa kwa Mwenyezi Mungu.””Ameongeza Sidina.

 Amesema kuwa Mkurugenzi wa Manispaa ya Morogoro  amewataka Waislamu kukitumia kipindi hiki kifupi kama njia ya kuomba toba kwa Mola na kuomba mazuri yote  na kuombea wagonjwa, familia , Viongozi Wa Kitaifa ili wafanikishe Yale wanayotaka kulipeleka Taifa hili mbele zaidi kufikia uchumi Wa kati pamoja na kuliombea Taifa dhidi ya Janga la CORONA.

Mwisho, amewataka walezi wa Makao ya Watoto wasiwaachie wakazurura hovyo, kikubwa wawalinde na wasiende katika sehemu zenye mikusanyiko katika kujikinga na Ugonjwa wa CORONA.

Naye Matroni wa Makao hayo, Bi. Khadija Allya,  , amemshuru  Mkurugenzi wa Manispaa ya Morogoro  kwa kuwa  karibu  sana na Wananchi wake jambo ambalo linatia matumaini.

“’Tunampongeza sana huyu mama , kwanza ni mchapakazi lakini sio msaada wa kwanza kutupatia alishawahi kutukabidhi ndoo za maji , beseni na sabauni kwa ajili ya kujikinga na CORONA hii imeonesha ni jinsi gani amekuwa karibu na wananchi wake hatuan cha kumlipa kikubwa tunamuombea dua Mwenyezi Mungu alinde na kumbariki na kumuongezea zaidi ya kile alichokitoa, hatuishii kwa shukrani tu bali tutamuandikia barua rasmi ya kumshukuru kwa msaada wake wa kutusadia katika kupata futari kwa watoto wetu “ Amesema Khadija.

Pia alienda mbali zaidi kwa  kuwaombea dua kwa Mwenyezi Mungu  Viongozi wote wa Mkoa wa Morogoro akiwemo Mkuu wa Mkoa, Mhe. Loata Sanare, Mkuu wa Wilaya Mhe. Regina Chonjo, Mkurugenzi wa Manispaa , Sheilla Lukuba  na Viongozi wengine kwa kushirikiana vyema katika kupambana na janga la Ugonjwa wa CORONA .