Mkurugenzi Manispaa Morogoro atimiza ahadi yake ya kukabidhi Sukari na Mchele Makao ya kulelea yatima Dar Ul Muslimeen.

Afisa Ustawi wa Jamii,, Manispaa ya Morogoro, Sidina Mathias(kulia) akikabidhi vyakula alivyotoa Mkurugenzi wa Manispaa ya Morogoro katika Makao ya kulelea Watoto yatima ya Dar Ul Muslimeen yaliyopo Kata ya Mbuyuni.

Watoto wakimuombea Dua Mkurugenzi wa Manispaa ya Morogoro, Sheilla Lukuba,  mara baada ya kupokea vyakula hivyo kwa ajili ya Sikukuu ya Eid Fitir.

MKURUGENZI wa Manispaa ya Morogoro, Sheilla Lukuba, ametimiza ahadi yake ya kukabidhi Sukari kilo 50  pamoja na Mchele kilo 50  katika Makao ya kulelea Watoto yatima ya Dar Ul Muslimeen yaliyopo Kata ya Mbuyuni.

Msaada huo wa Sukari na Mchele  umekabidhiwa leo Mei 20,2020 kwenye Makao hayo  na Afisa Ustawi wa Jamii Manispaa ya Morogoro, Sidina Mathias kwa niaba ya Mkurugenzi wa Manispaa.

Akizungumza na Waandishi wa habari kwa niaba ya Mkurugenzi, Sidina, amesema kuwa lengo na chakula hiki ni moyo wa Mkurugenzi kutaka kula Sikukuu hii na watoto kwani nyuma alishatangulia kutoa  vyakula kwa ajili ya mfungo nahii ni awamu ya pili kama sadaka yake.

“ Mkurugenzi wetu anawapenda amenituma nilete salamu hizi na amesema anawapenda sana watoto angetamani afanye zaidi lakini kwa hiki kidogo ameona akitoe ili kuungana na nyinyi katika Sikukuu hii kubwa  , amepokea barua yenu ya shukrani na ameshukuru sana kwa kutambua mchango wake, nafikiri mwanzo tulishaleta vyakula na  akaahidi kwamba ataleta sukari  na sasa sukari imekuja , hakuishia hapo ameona ni vyema akaungana na nyie katika kusherekea s Sikuu ya Eid Fitir kwa kuwaletea Mchele kiasi cha kilo 50 na Sukari kilo 50 ambapo awali aliahidi kilo 25 lakini akasema hapana lazima aongeze na kufikia kilo 50 ambazo leo tunawakabidhi, kikubwa mzidishe maombi kwake, kwa Viongozi wengine ikiwemo Mkuu wa Wilaya , Mkuu wa Mkoa na Mhe. Rais Dkt John Magufuli ili wazidi kulitumikia Taifa wakiwa  na afya tele”Amesema Sidina.

Aidha , amewataka Watoto kuongeza juhudi katika masomo ili waweze kufikia ndoto zao , na sula la kuondokewa na wazazi lisiwafanye warudi nyuma.

Kwa upande wa Matroni wa Makao hayo, memshuru  Mkurugenzi wa Manispaa ya Morogoro  kwa kuwa  karibu  sana na Wananchi wake jambo ambalo linatia matumaini.

“’Tunampongeza sana huyu mama , kwanza ni mchapakazi lakini sio msaada wa kwanza kutupatia alishawahi kutukabidhi ndoo za maji , beseni na sabauni kwa ajili ya kujikinga na CORONA hii imeonesha ni jinsi gani amekuwa karibu na wananchi wake hatuan cha kumlipa kikubwa tunamuombea dua Mwenyezi Mungu alinde na kumbariki na kumuongezea zaidi ya kile alichokitoa, hatuishii kwa shukrani tu bali tutamuandikia barua rasmi ya kumshukuru kwa msaada wake wa kutusadia katika kupata futari kwa watoto wetu “ Amesema Khadija.

Pia alienda mbali zaidi kwa  kuwaombea dua kwa Mwenyezi Mungu  Viongozi wote wa Mkoa wa Morogoro akiwemo Mkuu wa Mkoa, Mhe. Loata Sanare, Mkuu wa Wilaya Mhe. Regina Chonjo, Mkurugenzi wa Manispaa , Sheilla Lukuba  na Viongozi wengine kwa kushirikiana vyema katika kupambana na janga la Ugonjwa wa CORONA .