DC Chonjo akabidhi Chakula na fedha shilingi 200,000/= kwa ajili ya Watoto wanaolelewa na Msikiti wa Kingo kuelekea sikukuu ya Eid.

MKUU wa Wilaya ya Morogoro, Mhe. Regina Chonjo, akimkabidhi Kindoo cha mafuta ya kula pamoja na Mchele , tambi na Sukari , Katibu wa Msikiti wa Kingo, Ostadhi Suleimani Kassim Lukanda (kushoto) kwa ajili ya kuwapelekea watoto yatima waolelewa na Msikiti huo.

MKUU wa Wilaya ya Morogoro, Mhe. Regina Chonjo, akimunesha Katibu  wa Msikiti wa Kingo, Ostadhi Suleimani Kassim Lukanda (kushoto) vyakula vyengine vilivyomo ndani ya gari ikiwemo Viazi mviringo gunia moja .

Katibu Tawala Wilaya ya Morogoro, Ruth John, (kulia), akimkabidhi tambi, Katibu  wa Msikiti wa Kingo, Ostadhi Suleimani Kassim Lukanda. 
Afisa Ustawi wa Jamii,, Manispaa ya Morogoro, Sidina Mathias(kulia) akimkabidhi kiloba cha Mchele chanye kilo 25, kwa niaba ya Mkurugenzi wa Manispaa ya Morogoro,  Katibu  wa Msikiti wa Kingo, Ostadhi Suleimani Kassim Lukanda. 

Kindoo cha mafuta na Gunia la Viazi.

MKUU wa Wilaya ya Morogoro, Mhe. Regina Chonjo, amekabidhi chakula na fedha taslimu kiasi cha Shilingi laki 2 kwa Uongozi wa Msikiti wa Kingo kwa ajili ya Watoto wanaolelewa na Msikiti huo kuelekea sikukuu ya Eid.

Chakula hicho na fedha amekabidhi kwa Katibu wa Msikiti wa Kingo leo Mei 20 , 2020 Ofisini kwake.

Akizungumza na Waandishi wa habari, amesema lengo la kutoa chakula hicho na fedha ni kujenga ukaribu na watoto hao ili waendelee kujisikia kwamba Viongozi hawajawasahaulika  na kujiona ni sehemu ya jamii.

“Nimeona niwakumbuke Watoto , naamini unapokuwa yatima kuna unyonge Fulani unakuwa nao kwenye jamii, na katika kipindi kama hiki ni vigumu kupata mahitaji ambayo watoto wenye wazazi wao wanayapata, naamini kwamba hakuna ubaguzi ama unyanyasaji ambao mnawafanyia , lakini endeleeni kuwalea katika maadili na kuwapa elimu na kuwapa mahitaji yao ya kawaida kama chakula, nguo na vyenginevyo  ” Amesema DC Chonjo.

“”Nimetoa na fedha pia nikiamini kwamba vyakula haviwezi kuliwa bila mboga, na sikukuu ndio watoto wanatakiwa wale pilau , na wajisikie vizuri na kuona wanafanana na wenzao “ Ameongeza DC Chonjo.

Aidha, ameupongeza Uongozi wa Msikiti wa Kingo kwa kazi kubwa wanayoifanya ya kuwalea watoto yatima ya kujiona na kujisikia kwamba wapo katika jamii na wana wazazi wanao wajali.

Naye Katibu wa Msikiti wa Kingo ambao ni msikiti wa BWAKATA Wilaya ya Morogoro Mjini, Ostadhi Suleimani Kassim Lukanda, amemshukuru Mkuu wa Wilaya kwa moyo wa kujitolea na kuwaona yatima ni sehemu ya jamii ambayo wanahitaji kupata malezi sawa na wengine.

Amesema alichokifanya Mkuu wa Wilaya hawana cha kumlipa ila wanamuombea kwa Mwenyezi Mungu amlipe zaidi ya kile alichokitoa na azidi kuwakumbuka na wengine kadri atakavyojaliwa.