MENEJA NMB TAWI LA SUA AUPONGEZA UONGOZI WA SHULE YA MSINGI MAFIGA 'A' KATIKA MAHAFALI YA 42 DARASA LA SABA.

MENEJA NMB  Tawi la SUA  Manispaa ya Morogoro , Joseph  Mwaipaja , ameupongeza uongozi wa Shule kwa jitihada hasa katika suala la Taaluma ambapo Shule hiyo imekuwa ikifanya vizuri huku akiamini wanafunzi wote wanaenda kufaulu vizuri katika Mitihani yao.

Pongezi hizo amezitoa Agosti 31/2023 katika Mahafali ya 42 ya Shule ya Msingi Mafiga A .

Aidha , amempongeza mwanafunzi aliyefanya vizuri katika Mtihani  wa Moko ngazi ya Mkoa wa Morogoro aliyeshika nafasi ya  8 akitokea shule ya Mafiga A  huku  akiahidi  kumfungulia akaunti  na kumuwekea kiasi cha fedha ambacho hakutaka kukiweka wazi .

Pia,  amewataka wazazi kutopendelea kuwapeleka watoto wao katika shule binafsi kwa kuwa hakuna tofauti yeyote na Shule za Serikali .

Naye Diwani wa kata ya Mafiga Mhe Thomas  Butabile amewapongeza walimu wote na wazazi kwa kuwalea watoto hadi kufikia hatua ya kuhitimu masomo yao ya msingi hivyo anaamini wataenda kufanya vizuri mitihani yao kwa kuwa  walimu wamewafundisha vizuri

Mbali na hayo amefafanua kuwa baadhi ya changamoto ambazo zipo katika kata hiyo wanaendelea kuzifanyia kazi na kuagiza Mwenyekiti wa huduma kuhakikisha mwezi 9 ujenzi wa vyoo unaanza  katika Shule hiyo.

Kwa upande wake Mwalimu mkuu wa shule hiyo Bi,Mwajuma Mbega amewashukuru wageni  wote na wazazi kwa kuwaungamkono kwa kufanikisha mahafari hii hivyo amewaomba wazazi waendelee kushirikiana ili kuhakikisha watoto wanapatiwa elimu bora .