Chombo Huru

MBUNGE wa Viti Maalum (CCM) Mkoa Kaskazini Unguja Angelina Malembeka amewataka Wanawake kujishughulisha na Biashara za Ujasiriamali ili waweze kujiingizia kipato.


Mbunge Malembeka alisema hayo Mkoa Kaskazini Unguja Jimbo la Muhonda wakati wa kuzungumza na Wanawake na Vijana katika ziara ya kikazi alivyoalikwa katika vikundi vya ujasiriamali vya Kamati ya siasa Jimbo la Muhonda.

"Nawaomba Wanawake na Vijana wa Jimbo ili kuchangamkia ajira pamoja na kutafuta fursa mbalimbali mjitume katika kufanya kazi   muweze kukuza uchumi "alisema Malembeka.

 Malembeka aliwataka Wanawake wa Jimbo hilo kubuni miradi ya vikundi pamoja na kumiliki viwanda vidogo vidogo .

Alisema yeye amefarijika kuwa mgeni rasmi katika kikundi cha Kamati ya Siasa ya Muhonda Wanawake na Vijana wakijishughulisha watasonga mbele kwa kuunga mkono juhudi za Rais wa awamu ya tano John Magufuli na kauli mbiu yake hapa kazi .

Alisema atafanya ziara kuwatembelea kukagua vikundi vya vijana na Wanawake vinavyojishughulisha na Uchoraji ,upambaji, na mafundi cherahani.

Malembeka aliwataka Wanawake na Vijana  kuunga mkono mafanikio ya Serikali ya awamu ya tano inavyotekeleza Ilani kwa vitendo kwa kukamilisha miradi mikubwa ya Maendeleo inapelekea uchumi kukua kwa kasi Tanzania.