MEYA KUMBILAMOTO AZINDUA ALBAM YA KWAYA KATIKA KANISA LA K.K.K.T HIGHLAND TABATA .

Meya wa Jiji la Dar es salaam Mhe Omary Kumbilamoto Februari 28/2021, amezindua Albam ya Kwaya iliyoandaliwa na Kwaya ya Kanisani la K.K.K.T HIGHLAND TABATA DSM kanisa hilo lipo katika Kata ya Kisukuru.

Katika hafla hiyo ya uzinduzi Mhe. Kumbilamoto alienda kumuwakilisha Mkuu wa Wilaya ya Kinondoni Mhe. Daniel G. Chongolo.

Mhe. Kumbilamoto alitoa pongezi kwa Kwaya katika maandalizi ya Albam kwani ujumbe mzito wa kumsifu Mungu upo katika Albam hiyo.

Mhe. Kumbilamoto aliendelea kwa kuwaomba waumini wa Kanisa la K.K.K.T HIGHLAND kuliombea taifa pamoja na Rais wetu mpendwa Dkt. John Pombe Magufuli kwa kazi kubwa nayoifanya katika Ujenzi wa taifa letu la Tanzania.

Mhe. Kumbilamoto alizipokea Changamoto zote za Kwaya na kuahidi kukutana na Mkuu wa Wilaya ya Kinondoni Mhe. Daniel G. Chongolo lakini pia aliwasilisha mchango wa Mbunge wa Jimbo la Segerea Mhe. Bonnah kiasi cha shilingi 50,000/= kwaajili ya kununua CD Albam ya Kwaya.