JUMLA YA SHILINGI MILIONI 55 ZATUMIKA KUTEKELEZA MIRADI YA MAENDELEO KATA YA LUHUNGO MANISPAA YA MOROGORO.

Muonekano wa Nyumba ya Mwalimu  Mkuu wa Shule ya Msingi Luhungo.

Muonekano wa Jengo la Ofisi ya Kata ya Luhungo .

Choo cha kisasa kilichpo Kata ya Luhungo .
Muonekano wa ndani wa Choo.

JUMLA ya Shilingi milioni 55 zimetumika katika utekelezaji wa miradi ya maendeleo Kata ya Luhungo Manispaa ya Morogoro.

Akizungumza na Chombo huru , Afisa Mtendaji Kata ya Luhungo , Said Rashid Maleta leo Julai 02, 2020, amesema fedha hizo zimetolewa na Halmashauri ya Manispaa ya Morogoro kupitia mapato ya ndani.

Maleta, amesema kuwa Manispaa ya Morogoro katika kuunga mkono jitihada za wananchi , iliamua kutekeleza miradi  ya maendeleo kwa kipindi cha mwaka wa fedha 2019/2020 ambapo ilitengea Kata hiyo kutoka katika makusanyo ya mapato ya ndani jumla ya shilingi milioni 55 katika utekelezaji wa miradi ya maendeleo ikiwemo Ujenzi wa Ofisi ya Kata milioni 20  , Ujenzi wa Nyumba ya Mwalimu milioni 25,  pamoja na Ujenzi Choo cha kisasa kilichogharimu shilingi milioni 10.

 Aidha, Mtendaji wa Kata ya Luhungo, amemshukuru Mkurugenzi wa Manispaa ya Morogoro , Sheilla Lukuba, kwa jitihada zake za kusukuma gurudumu la maendeleo katika Kata hiyo la Luhungo.

Licha ya kumshukuru Mkurugenzi wa Manispaa ya Morogoro lakini ametoa pongezi  Baraza la Madiwnai la Mnaispaa ya Morogoro,  aliyekuwa Diwani wa Kata hiyo Mhe. Rajabu Mizambwa , Uongozi wa Kata pamoja na Wananchi wa Kata hiyo kwa kujitoa kwao katika kuchangia masuala ya Maendeleo.

Mwisho ,amesema mradi wa Choo na Nyumba ya Mwalimu imeshakamilka wakati huohuo wakisubiria fedha nyengine kwa ajili ya kukamilisha mradi wa Jnego la Ofisi ya Kata.