DC Msulwa afufua matumaini ya kuunganishiwa umeme mkazi wa Kata Kingolwira Manispaa Morogoro baada ya kuteseka kwa muda wa miaka 5.

Mkuu wa Wilaya ya Morogoro, Mhe. Bakari Msulwa, (wapili kutoka kulia) akizungumza na Bi. Joyce Macha, Mkazi wa Mtaa wa Shule Kata ya Kingolwira mara baada ya kufika nyumbani kwake leo asubuhi kwa ajili ya kutoa maamuzi yaliyofikiwa na Kamishina wa ardhi juu ya mgogoro wa mama huyo na Mmiliki wa Shule ya Sekondari Iyula Malaika.

Nyumba ya Bi Joyce Macha, iliyopo ndani ya eneo la Shule ya Sekondari Iyula Malaika.
Shamba la Bi Joyce Macha, lililopo  ndani ya eneo la Shule ya Sekondari Iyula Malaika.

Katibu Mwenezi wa Chama Cha Mapinduzi CCM Wilaya ya Morogoro Mjini, Maulidi Chambilila (kushoto) wakiteta jambo  nje ya Ofisi ya Kata ya Sultan Area  na Mkuu wa Wilaya ya Moorgoro, Mhe. Bakari Msulwa , Katibu Tawala wa Wilaya ya Morogoro, Bi. Ruth John  pamoja na Mkurugenzi wa Manispaa ya Morogoro, Sheilla Lukuba, mara baada ya kumalizika kwa kikao cha Wamachinga .
Afisa Tarafa Manispaa ya Morogoro, Winfred Kipako, akinyoosha mkono ikiwa ni ishara  kumuonesha Mkuu wa Wilaya ya Morogoro  mipaka ya eneo la Shule ya Msingi Kikundi .

Mwenyekiti wa Wamachinga Manispaa ya Morogoro , Ndug Faustine Alimas ,akitambulisha Uongozi wake katika kikao cha Mkuu wa Wilaya.

MKUU wa Wilaya ya Morogoro, Mhe. Bakari Msulwa, amefufua matumani ya Mkazi wa Mtaa wa Shule Kata ya Kingolwira Manispaa ya Morogoro, Bi. Joyce Macha , baada ya kuagiza Shirika la Umeme TANESCO kumunganishia  Umeme  mkazi huyo.

Hayo yamejiri leo Julai 18,2020, wakati wa ziara yake ya kikazi ya kutatua kero za wananchi ambapo ameagiza Shirika la Umeme TANESCO  Manispaa ya Morogoro kufikia kesho  Julai 19,2020 kazi ya kuanza kuunganisha huduma ya umeme kwa mkazi huyo iwe imeshaanza.

Kauli hiyo ameitoa kufuatia mgogoro uliodumu kwa takribani miaka 5 tangia mwaka 2014 kati ya Bi. Joyce Macha na mmiliki wa Shule ya Sekondari Iyula Malaika iliyopo Kata ya Kingolwira ambaye aliendelea  kushikiria msimamo wake wa kukataa mwananchi huyo kuwekewa huduma ya  umeme kwa kile alichodai  kwamba mkazi huyo alivamia  katika eneo lake la Shule.

“”Haiwezekani mtu akanyimwa huduma ya umeme, kila raia ana haki za kupata huduma bila kuvunja sheria za nchi, umeme uwekwe kwa mwananchi yeyote anaehitaji na mwenye uwezo wa kulipia gharama za kuunganisha hata kama nyumba yake ni ya udongo na kuezekwa kwa nyasi, lakini cha kusikitisha hata kama eneo hilo lingekuwa na kesi kubwa kiasi gani lazima mtu apate huduma kama haki yake ya msingi , kesi hii imeshamalizika , Kamishina ardhi alishatoa  hukumu , na eneo hilo limebaki mali ya kimila na hakuna mwenye eneo hivyo mama huyu anatakiwa apate huduma haraka iwezekanvyo ili maisha yake yaende na maisha ya utoaji wa elimu yaende bila kuathiri shughuli za mtu yeyote” Amesema DC Msulwa.

Kwa upande wa Katibu Tawala Wilaya ya Morogoro, Bi. Ruth John, amempongeza Mkuu wa Wilaya kwa kulivalia njuga swala hilo na hatimaye haki imepatikana.

“”Huu ni mgogoro wa muda mrefu, umekuwa ukitusumbua sana , lakini Mkuu wetu wa Wilaya amefika hapa amejionea lakini tunampongeza sana kwa vile ametoa maelekezo  mazuri kutokana na hukumu ya Kamishina wa ardhi alivyoitoa, kikubwa familia hizi ziishi vizuri kwani wao bado ni majirani wanatakiwa washirikiane badala ya kuleteana chuki” Amesema  DAS Ruth.

Naye Mkurugenzi wa Manispaa ya Morogoro , Sheilla Lukuba, amemuagiza Afisa ardhi wa Manispaa ya morogoro kuandaa michoro ya hapo ili wale wenye maeneo waweze kuyamiliki kihalali kufuatia maeneo hayo michoro yao kufutwa.

Afisa Ardhi Manispaa ya Morogoro, Gisbert Msemwa, amesema muda wowote wataanza utaratibu wa kuandaa michoro mipya ili maeneno hayo yaweze kupimwa na wenye maeneo waweze kuwa na hati miliki ya ardhi kwani mpaka  sasa maeneo hayo ni ya kimila na hakuna mwenye umiliki wa ardhi.

“Hii kesi ya muda mrefu, lakini eleo imepatiwa ufumbuzi, sisi kazi yetu kuanda michoro na kama wenye maeneo watapenda tuendelee nao kupima tutayapima au wanaweza kuwapata watu wengine lakini kubwa zaidi hata eneno hili halikuwa limekusudiwa kuwa Shule bali eneo hili lilikuwa shamba hivyo hakuna  taarifa ya kubadili matumizi ya eneo hili tuliyonayo, kwahiyo  kuyapima na kuweka michoro kutampa fursa mmiliki wa Shule hii kubadilisha matumizi ya ardhi na kupata kibali rasmi cha ubadilishaji wa matumizi ya ardhi kutoka shamba kuja eneo a huduma ya shule””Amesema Msemwa.

Mkazi wa eneo hilo la Shule, Bi Joyce Macha, amemhukuru Mkuu wa Wilaya , Katibu Tawala, Mkurugenzi Manispaa ya Morogoro pamoja na Idara ya ardhi kwa kulipambania suala lake na hatimaye kuipata haki yake aliyokuwa akiisubiria kwa muda mrefu.

Amesema sasa ameanza kupata matumaini mapya ya kupata hudma ya umeme kwa muda mraefu  na ameahidi kuendelea kushirikiana na majirani zake waliopo katika eneno hilo la shule kwani bado maisha yanaendelea.

Katika hatua nyengine DC Msulwa, , ameuomba Uongozi wa Machinga Manispaa ya Morogoro kufanya kazi kwa uwaledi katika kuwaongoza wamachinga ili waweze kujipanga vizuri na kufanya biashara zao katika maeneo yaliyo salama.

"Nimesikia hapa kuna watu wanajiita wazawa na wandewa, wanawatoza watu pesa kuwakodishia maeneo , tabia hiyo ife mara moja, mtu akiwa na kitambulisho cha Wajasiriamali haruhusiwi kutozwa hela, sasa chukueni hizo hela za wandewa ipo siku mtachukua hela za wandewa wenzenu bila kujijua na mtaangukia mahala pabaya,ridhikeni na vipato vyenu pesa hizi mnazochukua za moto " Ameongeza DC Msulwa.

Pia ameagiza kuanzia  mnada ujao wafanyabiashara wote wanaofanya baishara katika maeneo ya Shule ya Msingi Kikundi, Ofisi ya Kata ya Sultan  Area pamoja na Kituo cha Polisi Kikundi kuondoka maeneo hayo na wafanye biashara eneo ambalo wamepangiwa na kamati yake ya kuandaa maeneo inayoongozwa na Afisa Tarafa Manispaa ya Morogoro, Wenyeviti wa Mitaa pamoja na Uongozi wa Wamachinga Manispaa ya Morogoro.