MJUMBE KAMATI UTEKELEZAJI UWT MKOA MOROGORO AWASHIKA MKONO UVCCM WILAYA YA MOROGORO

 

MJUMBE wa Kamati ya Utekelezaji UWT Mkoa wa Morogoro na mdau mkubwa wa Umoja wa Vijana UVCCM , Sheilla Lukuba, ametoa jola moja la kitambaa kwa UVCCM Wilaya ya Morogoro Mjini kama sehemu ya mchango wa Maendeleo kwa Jumuiya hiyo ya Vijana.

Lukuba, amekabidhi Jola hilo hivi karibuni Oktoba /2023 ambapo jola hilo lilipokelewa na Katibu wa UVCCM Wilaya ya Morogoro Mjini, Bi. Sabrina Juma.

Akizungumza kwa njia ya simu na Chombo Huru Media,  Lukuba, amesema ametoa Jola hilo kama sehemu ya mchango kwa Jumuiya ya Vijana ili iwe moja ya uzalishaji wa Mashati na kuwa kama sehemu ya mradi ambao utawasaidia kuongeza kipato katika Jumuiya yao.

Kwa upande wa Katibu wa UVCCM Wilaya ya Morogoro Mjini, Bi. Sabrina Juma,amemshukuru Mjumbe huyo kwa mchango wake huku akimuahidi kuendelea kumpa ushirikiano kwani lengo la Viongozi wa CCM ni kuhakikisha Chama kinaendelea kushika dola pamoja na kuhakikisha uhai wa Chama na Jumuiya zake unaimarika hususani katika masuala mazima ya Uchumi.