JUKWAA WANAWAKE MBUYUNI WAZINDUA TAULO ZA MTOTO WA KIKE, DIWANI MSUYA ATOA NENO

 

WANAFUNZI wa kike  Shule ya Sekondari Mbuyuni Modern  Manispaa ya Morogoro wametakiwa kujitambua na kufahamu wajibu wao kwa jamii inayowazunguka na kujiepusha na vishawishi vikiwemo vya ngono na kujikomboa  kifikra, kiutamaduni na kiuchumi.

Uzinduzi wa Saniatry Pads chini ya Jukwaa la Wanawake Kata ya Mbuyuni Umefanyika Oktoba 05/2023 Shule ya Sekondari Mbuyuni.

Pia wametakiwa kujua thamani yao na kuepuka kutumiwa vibaya na kushinda majaribu ya watu wanaotaka kuivuruga safari yao ya maisha.

Wito huo umetolewa na Diwani wa Kata ya Mbuyuni Mhe. Samwel Msuya , wakati akizungumza na wanafunzi wa kike wa Shule hiyo katika hafla fupi ya Jukwaa la Wanawake Kata hiyo kuzindua Taulo za Mtoto wa Kike zijulikanazo kwa jina la Sanitary Pads.

“Kataa kabisa mawazo ya kukatisha tamaa kwani hofu kama ilivyo furaha huuambukiza, jaribu kuwaepuka marafiki wenye mawazo ya kukatisha tamaa kwani hao ndiyo maadui wakubwa wa maisha yako na wa kukukwamisha kufikia malengo yako,” Amesema Mhe. Msuya.