Maneno ya Ramos kuhusu De Gea kutua Madrid

Nahodha wa Real Madrid, Sergio Ramos, ameutaka uongozi wa klabu yake kufanya mipango ya kumsajili kipa namba moja wa Manchester United, David de Gea.

Ramos amesema kipa huyo ameshachoshwa na Mourinho hivyo umefikia wakati ambao anastahili kucheza nje ya Manchester United.

De Gea atakuwa anamaliza mkataba wake Manchester United msimu ujao wa majira ya joto huku viongozi wa timu hiyo wakiwa kwenye mikakati ya kumuongezea mkataba mwingine ili kumfanya awe kipa anayelipwa zaidi duniani.

Dau la £350,000m kwa wiki ndiyo linalotajwa kulipwa kwa mchezaji huyo endapo atasalia Manchester United.

Licha ya kauli kutoka kwa Ramos, Real Madrid imekuwa ikimuwinda kipa huyo kwa udi na uvumba japo imekuwa ngumu kutimiza ndoto hizo.