NABII MAARIFA AMWAGIA SIFA KEDEKEDE RAIS SAMIA

Serikali ya awamu ya sita inayoongozwa na Rais Mhe. Dkt Samia Suluhu Hassan imemwagiwa sifa zaidi na kusema kuwa ni kweli akina mama wanaweza kutokana na kwamba haijawai kutokea toka enzi za uhuru Sekta ya elimu Nchini ikaweza kupewa kipaumbele kikubwa hivi kama alivyotekeleza Rais Samia.

Hayo yameelezwa na Nabii Elly Maarifa kutoka Kanisa la Voice Of God Morogoro ,akiwa madhabahuni Machi 05/2023   akizungumza na waumini huku akieleza namna Rais Dkt. Samia anavyo pambana kuiletea Taifa Maendeleo.

Nabii Maarifa amesema sio kama anampigia kampeni anaeleza ukweli wa mambo makubwa mabayo Rais amekuwa akiyafanya kwa Wananchi wake.

Amewataka watanzania kuendelea kumuombea Rais ili azidishe maono makubwa ya kulitumikia Taifa hili.

Pia amewataka Watanzania wasiwe watu wa kuongea hoja ambazo hazijengi na kumlaumu Rais badala yake waendelee  kumuunga mkono kwani kila Mamlaka inayotokana ndani yake ni Nguvu ambazo Mwenyezi Mungu amempa katika kuwatumikia Watanzania.

Mwisho,amewaomba Watanzania kufanya kazi na sio lawama kwani hakuna maendeleo kama uzalishaji haufanyiki.