MADIWANI MANISPAA YA MOROGORO WAWASILISHA TAARIFA ZA KATA

MADIWANI wa Manispaa ya Morogoro,  wamefanya  mkutano wa kuwasilisha taarifa za kata za ikiwa ni maandalizi ya kuelekea katika Mkutano wa Kawaida wa Baraza la Madiwani utakaofanyika tarehe 8/2/2023.

Mkutano huo wa kuwasilisha taarifa , umefanyika Februari 6/2023  katika Ukumbi wa Mikutano wa  Ofisi Kuu ya Manispaa.

Mkutano huo umehudhuriwa na madiwani wa kata zote 29 pamoja na Watendaji wa Kata ,  Wakuu wa Divisheni  na vitengo kutoka Halmashauri ya Manispaa ya Morogoro.

Madiwani hao waliweza kuwasilisha  taarifa hizo wakiwa wameeleza mafanikio  na changamoto wanazokumbana nazo katika nyanja za elimu, kilimo, ufugaji,  utekelezaji  wa miradi ya maendeleo , utunzaji wa mazingira ,kiuchumi na afya.

Hata hivyo baadhi ya changamoto zilizo bainishwa ni  pamoja uhaba wa maji , miundombinu ya barabara, ukosefu wa vyoo katika baadhi ya shule n.k.

Katika Kikao hicho kiliendeshwa na Mstahiki Meya  wa Manispaa ya Morogoro ambaye ni Diwani wa Kata ya Mazimbu, Mhe. Pascal Kihanga, Naibu Meya wa Manispaa ya Morogoro , Mhe. Mohamed Lukwale, pamoja na  Katibu wa kikao hicho Kaimu Mkurugenzi wa Manispaa ya Morogoro , Jeremia Lubeleje,ambapo  taarifa zote zilizowasilishwa zilipokelewa.