MBUNGE DKT. ABOOD, AITAKA JUMUIYA YA WAZAZI KUSHIRIKI KIKAMILIFU KATIKA KUPIGA VITA UKATILI WA KIJINSIA

MBUNGE wa Jimbo la Morogoro Mjini, Mhe. Dkt. Abdulaziz Abood, ameitaka Jumuiya ya Wazazi CCM Wilaya ya Morogoro   kushirikiana kwa karibu na Jamii katika vita dhidi ya ukatili wa kijinsia zikiwemo mimba kwa wanafunzi.

Kauli hiyo ameitoa katika Kikao cha Baraza la Wazazi Kata ya Kingolwira  kilichofanyika Februari 22/2023.

Dkt. Abood,  amesema ili kupunguza vitendo vya ukatili kwa watoto pamoja na wanafunzi wazazi Jumuiya ya Wazazi inalo jukumu kubwa la kushirikiana na Jamii  kusimama kikamilifu ili kutokomeza vitendo hivyo.

" Maswala ya ukatili wa kijinsia ni jambo ambalo limeanza kwa muda mrefu ndani ya jamii zetu na ni kubwa hili pengine linaweza kuchangiwa na utandawazi, tunaona serikali imeanzisha madawati ya kijinsia mashuleni kwaajili ya watoto wa kike na hata kwetu lipo ili watoto wakike kuweza kupaza sauti kwenye haya madawati na hatimaye kupata suluhu ya matatizo yao, niombe Jumuiya ya wazazi hili mkaliundie mkakati wa kupaza sauti kwa kuwa nalo linawahusu moja kwa moja " Amesema Dkt. Abood.

Mwisho, Mh. Dkt Abood, amesema licha  ya uwepo wa madawati mbalimbali ya kijinsia yaliyoundwa mahususi kwaajili ya wahanga wa matukio ya ukatili kuepeleka malalamiko yao ili kupatiwa msaada wa kisheria jamii , wazazi, walezi na serikali kwa ujumla imeobwa kuongeza kasi ya utoaji elimu kupitia njia mbalimbali hii ikilenga hasa kuunga mkono jitihada zinazofanyika kutokomeza ukatili uliokithiri hasa kwa makundi ya watoto na wanawake. 

Wakati akielekea katika Baraza hilo, Mhe. Dkt. Abood, alikabidhi mifuko 10 ya saruji  kwenye Shule ya Sekondari Kitungwa iliyoko Kata ya Kingolwira.