NDUGU MUSSA KILAKALA AWASISITIZA VIJANA UVCCM UDSM KUMUUNGA MKONO MH RAIS SAMIA SULUHU HASSAN NA KUENDELEA KUCHAPA KAZI.

 

Mwenyekiti wa Umoja wa vijana wa Chama cha mapinduzi Mkoa wa Dar es Salaam Ndgu Mussa Kilakala leo amekuwa Mgeni Rasmi katika mkutano mkuu wa Umoja wa vijana wa chama cha mapinduzi tawi la chuo kikuu cha Dar es Salaam (UVCCM UDSM).

Ambapo katika mkutano huo Ndgu Kilakala amehamasisha vijana kuendelea kukijenga chama vyema na kuendeleza Umoja na mshikamano ambao ndio silaha muhimu katika ujenzi wa chama na Taifa.

Ndgu Kilakala amewasisitiza vijana kumuunga mkono Rais wa Jamhuri ya Muungano wa Tanzania Mh Samia Suluhu Hassan kwa maana ni Kiongozi ambaye anatokana na CCM na anatekeleza ilani ya CCM 2020/25 na kuhakikisha wanatumia taaluma zao vyema kumuunga mkono kwa vitendo na kuisemea vyema serikali kitaalamu.

"Tumemsikia vyema Rais wetu Mpendwa anasisitiza uzalendo. Vijana uzalendo ni nguzo muhimu kwani tukitambua kwa juhudi zetu kila mmoja zikijumuishwa kwa tutapata Tanzania tunayoihitaji hivyo kila kijana kila mtanzania akitekeleza wajibu wake kwa pamoja tutaijenga Tanzania yetu na tutakuwa tumemuunga mkono Mh Rais Samia Suluhu Hassan."

Ndgu Kilakala amesitiza "Sisi vijana wa chama cha mapinduzi lazima tuwe mfano, utu ni nguzo kuu na yatupasa tutangulize mbele utu katika matendo yetu yote tuwe waungwana, wapenda haki, wenye hekima na wenye Kauli njema ambazo zitahakikisha zinalenga kulijenga vyema Taifa letu."