MEYA JIJI LA DAR ES SALAAM AKABIDHI MTAMBO WA MAJI SAFI

Katika kuendelea kuhakikisha Shule zote zilipo katika Kata ya Vingunguti zinaendelea kupata Maji safi ya kunywa Meya wa Jiji la Dar es salaam ambaye pia ni Diwani wa Kata ya Vingunguti amekabidhi Mtambo wa Maji safi katika Shule ya Cottolengo Nursery and Primary School. Shule ya Cottolengo ni moja ya Shule za Primary ambazo zina milikiwa na Kanisa Katoliki na ipo katika Kata ya Vingunguti.

Mtambo huwo wa Maji safi umetolewa na Kampuni ya TANGA PHARMACEUTICAL &PLASTICS LTD (TPPL) ambayo ipo katika Kata ya Vingunguti. Kampuni ya TPPL ndio imefunga Mitambo ya Maji safi katika Shule zote za Serikali zilizopo Kata ya Vingunguti kwa kushirikiana na Meya wa Jiji la Dar es salaam Mhe Omary Kumbilamoto.

Meneja Mwajiri wa Kampuni ya TPPL ndugu Steven Joseph amesma mpango wao ulikuwa ni kuziwezesha Shule zilizopo katika Kata ya Vingunguti ila kwasasa wanatizamia kuziwezesha Shule zote za Jiji la Dar es salaam ili Wanafunzi waweze kupata Maji safi na Salama ya kunywa pindi wanapokuwa Mashuleni.

Aidha Mhe Kumbilamoto ameishukuru Kampuni ya TPPL kwa kuendelea kufunga mitambo hiyo kwani inasaidia kwa Wanafunzi kupata maji safi ya uhakiki kwa matumizi ya kunywa.

"Niwashukuru sana Ndugu zangu wa TPPL mlianza kufunga Mitambo hii katika Shule za Serikali na sasa mnafunga katika Shule binafsi tuna washukuru sana hakika nyinyi ni wadau wakubwa wa maendeleo katika Kata yetu ya Vingunguti." Alisema Mhe. Kumbilamoto