KUOKOTA CHUPA SI LAANA TENA, KWA SASA NI FURSA YA KIPATO.

 

Kaimu Afisa Mazingira Manispaa ya Morogoro, Dauson Jeremia, akiwa amebeba Plastiki Peving zinazozalishwa kwa kutumia chupa za plastiki ikiwa na lengo la kuondoa takataka za chupa za plastiki Mitaani.

Kaimu Afisa Mazingira Manispaa ya Morogoro, Dauson Jeremia (kushoto), akizungumza na mmoja wa wazalishaji wa Plastiki Peving, Jenipher Kaphipa.

Kaimu Afisa Mazingira Manispaa ya Morogoro, Dauson Jeremia,(kulia), akikagua uzalishaji wa wa Plastiki Peving (PV).

Mkurugenzi wa   Yanga Mwangindo,Aqua-Alimenta-Tanzania (AA-TZ).

Mzalishaji wa  Plastiki Paving, Jenipher Kaphipa, akiendelea na uzalishaji.

Chupa za plastiki zikiwa zimekusanywa kwa ajili ya uzalishaji wa Plastiki Paving .

Mmoja wa waokota makopo akipima chupa katika mizani

                    

urembo unaozalishwa na chupa za plastiki.

Mtambo wa Biogas.

Zamani ilikuwa ni laana kuambiwa utaokota makopo, Siku hizi ni fursa ya biashara inayokuza kipato cha wote wanaoweza kufanya hivyo.

Kwa utamaduni wa siku nyingi ambao ulizoeleka kabla ya teknolojia kuruhusu ufungaji wa bidhaa kwa namna tofauti zikiwamo chupa za plastiki, watu wenye upungufu wa akili pekee ndiyo walionekana majalalani wakiokota chupa na makopo.

Kutokana na maendeleo ya kiuchumi na ongezeko la uhaba wa ajira rasmi, hivi sasa kuna wanawake, vijana hata wazee, wanaookota chupa hizi kujipatia kipato. 

Licha ya changamoto zilizopo, wanakabiliana nazo na kusonga mbele.

Bila kutambua ni lini mzigo wao utakuwa mkubwa na wenye kilo nyingi ili waweze kupata pesa itakayotosha kukidhi mahitaji yao muhimu mara baada ya kuuza.

 

Kutokana na mrundikano wa takataka za Plstiki Mitaa, Shirika lisilo la Kiserikali la Aqua-Alimenta-Tanzania (AA-TZ) lililopo Manispaa ya Morogoro ,chini ya Mkurugenzi Yanga Mwangindo, wameweza kubuni mradi wa uzalishaji wa Plastiki Paving (PV) kwa kutumia chupa za plastiki.

Akizungumza juu ya mradi huo unaojulukana kwa  jina la Solid Waste Recycling ,Mkurugenzi wa Aqua-Alimenta-Tanzania (AA-TZ), Yanga Mwangindo , amesema ubunifu huo umefanyika kutokana na mrundikano wa takataka za plastiki mitaani ambazo zimekuwa zikichangia kwa kiasi kikubwa uharibu wa mazingira kutokana na takataka hizo kutooza.

Mwangindo, amesema kuwa, ajira hiyo ya ubunifu imekuwa ni ndoto kwao kuona ni kwa jinsi gani wanaweza kuzitoa takataka za plastiki mtaani na kuzigeuza kuwa dili.

“Tumeanzisha ubunifu huu baada ya  kuona mtaani kumekuwa na  tatizo kubwa la utunzaji wa takataka ngumu, na hizi taka zimekuwa zikizalishwa kila siku jambo ambalo ni hatari kwa mazingira, kwa kuona huu mpango unafanikiwa tumeona tushirikiane na Serikali yetu kupitia Manispaa ya Morogoro ili kuweka nguvu za pamoja katika kusaidia Kampeni ya pendezesha Mji lakini pia kuongeza ajira kwa vijana wetu kutokana na wimbi la Vijana kukosa ajira “ Amesema Mwangindo .

Aidha,  amesema kama ilivyo kwa biashara nyingine, changamoto hazikosekani ambapo amesema kuwa umakini  unahitajika kwa wote wanaojihusisha na biashara hii hasa waokotaji.

Naye Kaimu Afisa Mazingira Manispaa ya Morogoro, Dauson Jeremia, amepongeza jitihada za Shirika hilo kwa ubunifu mzuri ambao una tija kwa usafi wa mazingira lakini umekuwa ukisaidia kupata ajira kwa Vijana ambao wanajishughulisha na uokotaji wa taka lakini na wale waliopo katika uzalishaji.

Jeremia, amesema nguvu iliyopo kwa sasa ni kuhakikisha kuwa mradi huo unakuwa endelevu na unawafikia wananchi wote wa Manispaa ya Morogoro katika kutunza mji safi na kupendezesha mazingira .

Juma Nassoro ambaye ni muokota machupa  anasema amekuwa akitumia zaidi ya muda mrefu  kuzunguka mitaani, kwenye daladala, baa, shule hata hospitali kuokota chupa hizo.
“Jua, mvua, vumbi, njaa, kudharauliwa na watu vyote vinanisonga wakati natafuta chupa hizi kila mtaa ninaopita,” Amesema Nassoro.

“Hatuna fedha ya kujikimu na wajukuu zangu wanaelewa hilo hivyo hawana budi kuingia mtaani kuzitafuta tuweze kununua chochote,” Ameongeza Nassoro.

Aqua –Alimenta-Tanzania (AA-TZ) inajihusisha na Utengenezaji wa Plastiki Paving, urembo kupitia chupa za vileo kwa ajili ya kupendezesha nyumba pamoja na mpango wa uzalishaji wa Biogas ambapo kwa sasa wapo katika hatua za miwsho kukamilisha mradi huo.