LIGI SHULE ZA SEKONDARI KATA YA LUKOBE MANISPAA YA MOROGORO KUENDELEA LEO JULAI 16/2021

 

Mgeni rasmi wa mashindano hayo ambaye ni Afisa Elimu Taaluma Manispaa ya Morogoro, Jaribu Malambughi (kulia) akisalimiana na Wachezaji, (kushoto) Diwani wa Kata ya Lukobe na Mkurugenzi wa Patricia Pre & Primary iliyopo Kata ya Lukobe, Mhe.Selestine Mbilinyi.

LIGI inayoshirikisha jumla ya Shule 6 za Sekondari zilizopo Kata ya Lukobe, kuendelea kushika kasi leo Julai 16/2021 katika Uwanja wa Shule ya Sekondari Tushikamane .

Katika mchezo ya leo, Shule ya Sekondari Mji Mpya wataumana vikali na Bora Open School leo Julai 16/2021 katika Uwanja wa Mpira wa Shule ya Sekondari Tushikamane.

Mchezo wa jana uliwakutanisha Shule ya Sekondari Tushikamane na Kana Open School, matokeo yalikuwa Kana Open School 2- Tushikamane 2.

Mchezo wa Ufunguzi uliochezwa Julai 14/2021 , uliwakutanisha Shule ya Sekondari Mji Mpya dhidi ya Shule ya Sekondari Elu ambapo Shule ya Mji Mpya waliibuka vinara kwa magoli 3-1.

Timu zinazoshiriki Ligi hiyo ya Kata kwa upande wa Shule za Sekondari Kata ya Lukobe ni Mji Mpya Tushikamane, Elu, Bora Open School, Kana Open School, St.Denis. 

Mdhamini wa Mashindano hayo ni Shule ya Patricia Pre & Primary iliyopo Kata ya Lukobe inayomilikiwa na Diwani wa Kata ya Lukobe ,Mhe.Selestine Mbilinyi pamoja na Chombo huru Media