ABOOD ATOA HUNDI YA MILIONI MOJA JUKWAA LA WANAWAKE MAZIMBU, HUKU AKIWATAKA WANAWAKE KUCHANGAMKIA MIKOPO YA SERIKALI ISIYO NA RIBA.

Mbunge wa Jimbo la Morogoro Mjini, Mhe. Abdulaziz Abood, (kulia) akimkabidhi  hundi yenye thamani ya shilingi milioni moja Mwenyekiti wa Jukwaa la Wanawake Kata ya Mazimbu, Bahati Mwale.

Hundi yenye thamani ya Shilingi milioni 1 iliyotolewa na Mbunge wa Jimbo la Morogoro Mjini, Mhe. Abood.

Mbunge wa Jimbo la Morogoro Mjini, Mhe. Abdulaziz Abood,  akikabidhi Uongozi wa Shule ya Msingi Mazimbu (A)  madawati 4 yaliyotolewa na Jukwaa la Wanawake Kata ya Mazimbu.

    

Mbunge wa Jimbo la Morogoro Mjini, Mhe. Abdulaziz Abood, akimkabidhi mmoja wa wananchi vyakula. 

Mbunge wa Jimbo la Morogoro Mjini, Mhe. Abdulaziz Abood, akimkabidhi jezi pamoja na mpira kiongozi wa timu ya mpira wa miguu ya Spider FC iliyopo Kata ya Mazimbu.

Mbunge wa Jimbo la Morogoro Mjini, Mhe. Abdulaziz Abood, akikabidhiwa cheti cha shukrani na Mwenyekiti wa Jukwaa la Wanawake Kata ya Mazimbu, Bahati Mwale.

Mstahiki Meya wa Manispaa ya Morogoro na Diwani wa Kata ya Mazimbu, Mhe. Pascal Kihanga, akitoa salamu za shukrani kwa niaba ya Wananchi wa Kata ya Mazimbu na Kamati ya maandalizi kwa  Mhe. Abood kwa kukubali wito wa Kata hiyo kuhudhuria maandalizi ya maadhimisho ya siku ya wanawake Duniani.

Kiongozi wa timu ya mpira wa miguu ya Spider akitoa shukrani mara baada ya kukabidhiwa mpira na jezi na Mhe. Abood.

Mtendaji wa Kata ya Mazimbu, Prisca Mawala, akizungumza na Wananchi waliojitokeza katika maandalizi ya maadhimisho ya Siku ya Wanawake Duniani Kata ya Mazimbu.

Wenyeviti wa Serikali za Mitaa Kata ya Mazimbu wakiwa katika furaha ya aina yake katika maandalizi ya siku ya Wanawake Duniani Kata ya Mazimbu.

Kamati ya maandalizi wakiwa pamoja na Uongozi.

Wananchi waliojitokeza.

MBUNGE wa Jimbo la  Morogoro Mjini, Mhe. Abdulaziz Abood, ametoa hundi yenye thamani ya shilingi Milioni moja (1,000,000/= ) kwa Jukwaa la Wanawake Kata ya Mazimbu  huku akiwataka  Wanawake wa Jimbo hilo pamoja na Kata zote Manispaa ya Morogoro  kuchangamkia mikopo ya Serikali isiyo na riba.

Abood, ameyasema hayo hayo Kata ya Mazimbu Manispaa ya Morogoro  leo Machi 06/2021  wakati wa akizungumza na Wanawake wa Kata hiyo katika sherehe za maandalizi ya kuelekea Siku ya Wanawake Duniani Manispaa ya Morogoro.

Abood, amewataka  Wanawake wa Jimbo la Morogoro Mjini  kukopa pesa hizo na kuzitumia kwa malengo yaliokusudiwa  sambamba na kupeleka marejesho ya mikopo ili wengine waweze kukopa.

"Serikali umetenga imetenga fedha za mikopo isiyo na riba  katika jimbo langu wamama,vijana  changamkieni mikopo hiyo ili muweze kukuza mitaji yenu, nimeguswa sana na Wakina mama nimeona nitoe Shilingi Milioni moja kwa Jukwaa la Wanawake wa Mazimbu, niwaombe hizi fehda mzitumie vizuri watu wakope na kurudisha ili wengine waweze kupata fedha hizi ziwe katika mzunguko lengo likiwa ni kuwakomboa wakina mama wote waliojiunga katika Vikundi ili kujikwamua kiuchumi " Amesema Abood.

Aidha kwa upande mwingine , Abood, amesema  yeye ndio Mbunge wa Jimbo la Morogoro Mjini , ndio atatatua changamoto za Wananchi kwa sasa yupo Jimboni kwa ajili ya kushughulikia kero zote.

Amesema kuwa ,  anatarajia kuandaa mkutano Mkubwa kwa ajili ya kuzungumza na wananchi wake hivyo wasikate tamaa,miradi yote itatekekezwa  kwa fedha za Serikali  .

Wakati huohuo Abood, amesema ni kuweza kukutana na Vikundi vya wajasiriamali katika kuvijengea uwezo.

Wakati huo huo, Mhe. Abood, ametoa ahadi ya kuchangia jumla ya madawati 56  kwa kitengo maalumu cha watoto wenye ulemavu Shule ya Msingi Mazimbu (A)  kufuatia Jukwaa la Wanawake Kata ya Mazimbu kuchangia madawati 4 kwa wanafunzi hao.

Pia, Mhe. Abood, ameahidi kutoa msaada wa kiti kimoja cha walemavu, (Whel Chair) kufuatia mwananchi mmoja kuomba msaada huo kwa ajili ya mtoto wake kupata huduma ya usafiri kufika shuleni.

Pia amekabidhi jezi pea moja na mpira mmoja kwa timu ya Spider FC iliyopo Kata ya Mazimbu huku akiwaahidi kushughulikia changamoto ya Uwanja wa mpira ambapo suala hilo amelikabdihi kwa Mstahiki Meya wa Manispaa ya Morogoro Mhe. Pascal Kihanga ambaye pia ni Diwani wa Kata ya Mazimbu.

Kwa upande wake Mstahiki Meya wa Manispaa ya Morogoro, Mhe. Pascal Kihanga, amewataka Wanawake, Vijana na watu wenye ulemavu katika kata hiyo ambao waliokuwa bado kukamilisha usajili wa vikundi kutumia fursa hiyo kusajili ili wote wachukue mikopo isiyo na riba ambayo inatolewa na Serikali ya awamu ya tano chini ya Rais John Magufuli.

Kihanga, amewataka  wanawake kujikwamua kiuchumi  katika kujishughulisha na biashara na kukuza  mitaji yao kuacha maisha tegemezi .

Pia amewataka  wanawake kuchangamkia fursa za biashara na kutangaza bidhaa zao katika masoko mbalimbali.

Naye Mwenyekiti wa Jukwaa la Wanawake Kata ya Mazimbu, Bahati Mwale, amesema kuwa  dhumuni kuu la Jukwa la Wanawake ni kuhakikisha  Wanawake wote wa Manispaa wanaingia katika mpango maalumu wa vikundi ili waweze kukopesheka na kunufaika na mkopo wa Manispaa wa asilimia 10 usio na riba.

Kwa upande wa Mtendaji wa Kata ya Mazimbu, Prisca Mawala, amempongeza Mbunge wa Jimbo la Morogoro, Mhe. Abood kwa kujumuika na wanawake wa Mazimbu katika maandalizi ya siku ya wanawake duniani.

Mawala, amechukua fursa hiyo ya kuwaalika wakina Mama wote wa Kata ya Mazimbu pamoja na taasisi binafsi kwa niaba ya Mkurugenzi wa Manispaa ya Morogoro kujumuika katika maandamano ya maadhimisho ya Siku ya wanawake duniani yatakayofanyika kuanzia saa 2:00 Asubuhi katika Uwanja wa Shujaa ambapo maandamano hayo yataelekea katika Ukumbi wa Morena Hote uliopo Msamvu.

Mbali na burudani mbalimbali lakini sherehe hizo zilimalizika kwa Wageni pamoja na waalikwa kupata chakula cha mchana kilichoandaliwa na kamati ya maandalizi.