KALUNGWANA AWATAKA WANA CCM KUWA KITU KIMOJA KULETA USHINDI WA KISHINDO

DIWANI mteule wa Kata ya Mwembesongo Manispaa ya Morogoro, Mhe. Ally Kalungwana, akizungumza na Wanachama wa CCM Kata ya Mwembesongo.

DIWANI mteule wa Kata ya Mwembesongo Manispaa ya Morogoro, Mhe. Ally Kalungwana, amewataka Wana CCM kuwa kitu kimoja na kuimarisha Chama katika kipindi hiki cha Kampeni.

Kauli hiyo, ameitoa Septemba 29,2020 kwenye Ukumbi wa Ofisi ya Kata ya CCM , wakati alipokutana na Wanachama wa Chama Cha Mapinduzi CCM Kata ya Mwembesongo kwa ajili ya  kuwaombea kura Wagombea wa Chama Cha Mapinduzi katika kuelekea Uchaguzi Mkuu wa Oktoba 28, 2020

Akizungumza na wana CCM Kata ya Mwembesongo, Diwani Mteule wa Kata hiyo, Mhe. Ally Kalungwana, amewataka  wana CCM kuwa kitu kimoja na kuimarisha Chama.

Kalungwana, amewashukuru , wanachama hao kwa kujitokeza kwa wingi katika kuhakikisha wanapata ushindi wa kishindo na wa mapema katika uchaguzi mkuu utakaofanyika Oktoba 28,2020 .

""Tunakila sababu ya kujipongeza kwa mwitiko huu mkubwa, hii imeonesha ni jinsi gani Chama Chetu kinakwenda kushika dola kwa wakati mwengine, kikubwa katika kipindi zaidi tunatakiwa kuwa na umoja wa kushirikiana na kuweka kando tofauti zetu kuhakikisha tunakiletea ushindi Cham Cha CCM tena ushidni wa kishindo kwa Mhe. Rais wetu Dkt John Pombe Magufuli , Mgombea wetu wa Ubunge Jimbo la Morogoro Mjini, Mhe. Abdulaziz Abood, na Madiwani wetu wote wa CCM Jimbo la Morogoro Mjini""Amesema Kalungwana.

Aidha, amesema ili ushindi upatikane kila mmoja awe msimamizi wa ilani na kuzungumzia yale ambayo yamefanywa na Serikali ya Awamu ya Tano chini ya Chama Cha Mapinduzi (CCM) badala ya kumuacha Mhe. Rais pekee kujibu hoja kwa wapinzani.

Hata hivyo amewaahidi Wananchi wa Kata ya Mwembesongo mara baada ya kuapishwa yale ambayo yalibakia atayamaliza na kuendelea na mapya kama Ilani ya Chama ilivyoelekeza kwa ajili ya kuendelea kuwatumikia Wananchi kwa maendeleo yao.

"Yapo mengi tuliyaahidi na mengine mengi tumeyatekeleza kwa viwango vyake, kikubwa mmetuamini 

na mimi sitawaangusha , lakini niwaombe huwezi kupika kama una huna mafiga yaliyokamilika, kwanza tupate Diwani wa Chama chetu, pili tupate Wabunge wa Vyama Vyetu kisha tupate Rais wa Chama Chetu hapo mapishi yatakamilika na chakula kitaiva kwa ufasa, tunawaomba tuwachague Madiwani wa CCM, Wabunge wa CCM, na Rais wetu mpendwa Mh. Dkt John Pombe Magufuli ili aendelee kutuvusha hapa tulipo maana ametutoa mbali na yapo mengi makubwa Serikali hii ya CCM inatarajia kuyafanya na kutoka Uchumi wa kati kwenda Uchumi wa Juu kabisa kwa kuwa dhamira ipo na mipango inatekelezeka, Abood mitano tena , Magufuli mitano tena CCM Oyee kazi ziendelee" Ameongeza Kalungwana.