KAMATI ZA SHULE ZATAKIWA KUFIKISHA TAARIFA KWA WAZAZI.

 

Wazazi.

Mkuu wa Wilaya ya Morogoro Mhe. Bakri Msulwa  (katikati) akiwasili katika Viwanja vya Freedom Square SUA Compus Mazimbu wakati wa mkutano wahadhara wa Wazazi wa Wanafunzi wa Shule ya Msingi Chief Albert Manispaa Morogoro. 

Katibu Tawala Wilaya ya Morogoro , Ruth John, akizungumza na Wazazi.

Afisa Utumishi Manispaa ya Morogoro, Pili Kitwana (kulia) akiwa na Wakuu wa Idara na Vitengo katika Mkutano wa hadhara wa Kusikiliza kero za Wazazi wa Wanafunzi wa Shule ya Msingi Chief Albert ulioitishwa na Mkuu wa Wilaya ya Morogoro kwenye Ukumbi wa Freedom Square SUA Compus Mazimbu.

KAMATI za Shule zimetakiwa kufikisha tarifa kwa Wakati mara baada ya kujadili hoja zinazohusu Shule zai ili Wazazi waelewe na kuepusha migogoro ambayo inaweza kuporomosha viwango vya Ufaulu.

Kauli hiyo imetolewa na Mkuu wa Wilaya ya Morogoro, Mhe. Bakari Msulwa, Septemba 12, 2020 wakati wa mkutano wa hadhara wa Wazazi na Kamati ya Shule ya Msingi Chief Albert iliyopo Manispaa ya Morogoro kwenye Ukumbi wa Mikutano wa Freedom Square SUA Mazimbu Compus Kufuatia Shule hiyo kuwa na mgogoro wa muda mrefu wa takribani miaka 3 baina ya Kamati ya Shule pamoja na Wazazi.

Akizungumza na Wazazi waliojitokeza katika Mkutano huo, DC Msulwa, amesema changamoto nyingi zinazotokana na Wazazi ni Kamati za Shule kushindwa kufikisha taarifa kwa haraka kwa Wazazi jambo ambalo linaleta migogoro na kufanya baadhi ya mambo kutokwenda vizuri ikiwamo kuporomosha Viwango vya ufaulu shuleni.

DC Msulwa, amesema  lazima Kamati za shule ziwe wazi kwa kutoa taarifa zile ambazo zimeamuliwa katika vikao halali vya kamati ili wazazi waweze kufahamu na kuchangia.

“Migogoro mingi ya Shule kutoka kwa Wazazi Kamati za shule zinachangia, hapa naamanisha kwamba pengine Kamati hazikai vikao au hata kama zina kaa vikao basi hawa Wazazi hawapati taarifa sahihi na kwa wakati, hoja zilizoletwa kwangu kupitia Mkuu wa Mkoa kama mngekuwa mnawawafikishia taarifa hata tusingefikia huku, niwaombe Kamati zijipange na zifuate utaratibu na miongozo ya Kamati zao, Wazazi hawa wanahitaji taarifa, hawa ndio wenye Watoto mkiwa kimya hawawezi jua nini kinaendelea, tukubaliane kwa pamoja sasa twende mbele hatutaki tena kusikia migogoro ya Wazazi na Kamati , tunataka utaratibu ufauate ili wazazi waweze kuchangia na hatimaye kupandisha Viwango vya ufaulu” Amesema DC Msulwa.

Aidha, DC Msulwa, amezitaka Kamati za Shule zote zitengeneze mfumo mzuri wa kuweza kushughulikia changanamoto za Shule zao na zipatiwe ufumbuzi na kuboresha mawasilano baina ya Kamati na Wazazi.

Katika hatua nyengine, DC Msulwa, amezitaka Kamati zote za Shule Wilaya ya Morogoro ziwe na utaratibu wa kusoma mapato na matumizi kwa fedha zote zinazoingia katika mzunguko wa Shule ili Wazazi waweze kutoa maoni yao.

“’Sio suala la taarifa pekee lakini kitu ambacho nimekigundua ni kwamba Mapato na matumizi hayasomwi, sasa twendeni katika mstari mmoja mapato yote na matumiz Wazazi hawa wasomewe kwenye Vikao na viingie katika mihutasari ya vikao ili wafahamu na kutoa maoni yao, mnaweza kuona taarifa zipo sahihi kweli lakini hawa mkiwaficha ficha hawaelewi sasa tukifanya hivi hata hizi kero zinazojitokeza sasa zitakwisha na tatakuwa kitu kimoja, huu sio muda wa migogoro, Mhe. Rais wetu Dkt. John Pombe Magufuli anapeleka fedha kila mwezi kupitia akaunti za shule za msingi kwa ajili ya kugharamia elimu kwa lengo la kuwasaidia wananchi wanyonge lengo ni  kunyanyua ufaulu tukianza minong’ono tutachelewa kufika, niwaombe ndugu zangu tuwekeze katika elimu tusipokubali kubadilika sisi wazazi hata watoto wetu hawawezi kubadilika, kitendo cha  kushtaki Kamati za Shule  vikao halali mlivyokubaliana  sio jembo jema" ” Ameongeza DC Msulwa.

" Lakini nafikiria kuanzisha programu ambayo itanyanyua Viwango vya elimu katika Wilaya yetu, Kisarawe wenzetu walifanikiwa na sasa wanakwenda vizuri, hata sisi tukisema kila Mzazi aje na tofali moja au mbili tayari tushanyanyua darasa vyote vinawezekana kama sisi tukiamua,

Tuanze hapa tulipo kama wenzetu wameweza sisi tunashindwaje? Ameongeza DC Msulwa.

Mwisho amewataka Wazazi kwa kuhsirikiana na Kamati za Shule kuchukua jitihada nyingi sana za kuhakikisha ufaulu unaongezeka japo wapo watu wachache  ambao ni waharibifu lakini watashughulikiwa ili maendeleo ya Elimu katika Wilaya ya  Morogoro yaongezeke.

Katika hatua nyingine, amezitaka Kamati za Shule ziweke pesa zote zinazoingia Shuleni zikae huko na zisikae katika mikono ya watu ili kuleta usalama na uaminifu.

Kwa upande wa Kaimu Mkurugenzi wa Manispaa ya Morogoro, Michael Waluse, amesema yale yote waliyoyajadili katika kikao hicho watakwenda kuyafanyia kazi.

Amesema lengo la kukutana ni kuona ni kwa namna gani Kamati za shule zinakwenda kushirikiana na waalimu na wazazi  ili kuboresha na kuinua viwango vya ufaulu na kupata matokeo chanya katika Manispa ya Morogoro.