MANISPAA YA MOROGORO YAUNGANA NA WADAU KUADHIMISHA SIKU YA USAFI DUNIANI.

Mkuu wa Masoko Manispaa ya Morogoro, Abdully Mkangwa, akizungumza  na Waandishi wa habari leo Siku ya Usafi duniani.

Afisa Afya Manispaa ya Morogoro, Alex Roman,akizungumza  na Waandishi wa habari leo Siku ya Usafi duniani.

Makamu Mwenyekiti wa Jumuiya ya Vijana ya Raleigh Tanzania, Abdallah Njayagha,akizungumza  na Waandishi wa habari leo Siku ya Usafi duniani.

Usafi Soko la Manzese.

Wananchi wakifanya usafi Stendi ya Mabasi ya Dodoma nje ya Stendi ya Mabasi ya Msamvu.

HALMASHAURI ya Manispaa ya Morogoro leo Septemba 19,2020  imeungana na wadau katika kusherehekea sherehe ya maadhimisho ya Siku ya Usafi Duniani katika Viwanja vya Soko la Manzese pamoja na Stendi ya Dododma nje kidogo ya Stendi ya Mabasi ya Msamvu.

Akizungumza na Waandishi wa habari, Mkuu wa Masoko Manispaa ya Morogoro, Abdully Mkangwa, amewashukuru wadau wa Mazingira kwa juhudi za kuhakikisha mazingira yanatuzwa kwa hali zote.

Mkangwa, amesema usafi wa leo umejumuisha Soko zima ikiwamo mifereji yote inayozunguka Soko pamoja na mifereji iliyoko katika Barabara ya Kikundi inayounganisha magari ya SUA.

“”Kwa ujumla wadau wameshirikiana vizuri na sisi, tunawaomba waendelee na moyo  huo huo, kwa kweli hali ya usafi katika Masoko yetu ya Manispaa ya Morogoro  inaridhisha sana tofauti na mwanzo ambapo  mambo yalikuwa sio mazunri lakini sasa tuna wafanyakazi wengi na tuna vitendea kazi kama vile uwepo wa Mapipa ya kuhifadhia taka yamerahisha kazi, kikubwa niwaombe Wananchi na Wafanyabiashara wa Masoko yote Manispaa  waendelee kutimiza jukumu la kufanya usafi huku wakituachia sisi jukumu la kuhakikisha  tunafikisha hangaika kuzifikisha taka sehemu husika ili Mji na Masoko yetu yawe safi na salama” Amesema Mkangwa.

Akitoa salam  na pongezi kwa wananchi, Afisa Afya Manispaa ya Morogoro, Alex Roman, amewaomba wadau wa mazingira  kuendelea kushirikiana na Manispaa ya Morogoro katika kuweka Mji safi kwani wao wanatambua umuhimu wa wadau katika suala zima la usafi.

''ninawaomba Wadau wa Mazingira na Wananchi kwa ujumla  kuhakikisha utunzwaji wa mazingira pamoja na utunzwaji  wa miti ya asili unazingatiwa, leo tunaadhimisha siku hii , tuhakikishe suala la usafi linakuwa ni endelevu, tunazo ratiba zetu kisheria  ambazo kila jumamosi ya mwisho wa mwezi tunafanya usafi, kwahiyo usafi unaanza kwako mwenyewe kila mtu akibeba majukumu yake sisi Serikali, wadau pamoja na Wananchi Mji wetu utaendelea kuwa safi na salama'' Amesema Alex.

Aidha,amebainisha  athari ziletwazo na utunzwaji mbaya wa mazingira kuwa ni pamoja na kutupa taka hovyo, kufanya shughuli za kibinadamu pembezoni mwa vyanzo vya maji , na kukata miti hovyo mambo ambayo yanaathiri sana Mazingira.

Mwisho,  amewataka wananchi wotewa wa Manispaa ya Morogoro,  kuhakikisha wanazingatia agizo la usafi wa mazingira kila jumamosi ya mwisho wa mwezi pamoja na kufanya usafi katika Mazingira yao yanayowazunguka.

Naye Makamu Mwenyekiti wa Jumuiya ya Vijana ya Raleigh Tanzania, Abdallah Njayagha , amesema kuwa wataendelea kushirikiana na Taaisis za Serikali katika huduma za Jamii mbalimbali kwani mpaka sasa wanahuduma za Vijana wanazozitoa kupitia miradi mbalimbali katika baadhi ya Maeneo Manispaa ya Morogoro.

Miongoni mwa huduma za Jamii wanazozitoa ni pamoja na mradi mkubwa wa Uwajibikaji wa Jamii kupitia Vijana (Say) na mradi wa Kesho tutachelewa ambapo miradi yote inatekelezwa ndani ya Manispaa ya Morogoro.

Amesema lengo la mradi huo ni kuleta hali ya ushawishi kwa jamii ili waweze kuwa  wafuatiliaji wa miradi  mbalimbali kwenye jamii zao

 

Ikumbukwe kwamba  maadhisho haya hufanyika kila tarehe 19/9 ya  kila mwaka, lengo kuu likiwa kuwakumbusha wananchi utunzwaji wa usafi wa mazingira kwa manufaa ya vizazi vijavyo na kuwataka wadau na wananchi kusimama katika nafasi zao.

Maadhimisho haya yamehudhuriwa na wadau, wananchi, wafanyabiashara na viongozi mbalimbali toka Manispaa.