Waziri Jaffo asifia ubora wa Stendi ya Daladala Manispaa ya Morogoro.

Muonekano wa Stendi mpya ya kisasa Manispaa ya Morogoro.

Waziri wa nchi Ofisi ya Rais Tamisemi Mheshimiwa Seleman Jaffo(MB), (kushoto) akiteta jambo na Mstahiki Meya wa Manispaa ya Morogoro, Mhe. Pascal Kihanga mara baada ya ziara ya kukagua miradi ya maendeleo kumalizika.

Waziri wa nchi Ofisi ya Rais Tamisemi Mheshimiwa Seleman Jaffo(MB),(kulia) akisaini kitabu cha wageni mara alipowasili katika ujenzi wa Stendi mpya ya kisasa ya Daladala Mafiga.

Viongozi wakiwa katika picha ya pamoja ya kumbukumbu .

Waziri wa nchi Ofisi ya Rais Tamisemi Mheshimiwa Seleman Jaffo(MB),(wa pili kutoka kushoto), Mkuu wa Mkoa wa Morogoro, Mhe. Loata Sanare (kushoto), (nyuma ya Waziri Jaffo) Mkurugenzi wa Manispaa ya Morogoro, Sheilla Lukuba na viongozi wa wengine wakipata maelezo  ya mradi wa Ujenzi wa Soko Kuu la kisasa unaoendelea katika  Manispaa ya Morogoro. 

Mhandisi wa Manispaa ya Morogoro, Juma Gwisu, (wapili kutoka kushoto) akitoa maelezo ya mradi wa Soko Kuu la Kisasa kwa Waziri  wa nchi Ofisi ya Rais Tamisemi Mheshimiwa Seleman Jaffo(MB).

Waziri  wa nchi Ofisi ya Rais Tamisemi Mheshimiwa Seleman Jaffo(MB).akitoa shukrani mara baada ya kupatiwa maelezo ya mradi wa Soko.

Mkuu wa Wilaya ya Morogoro, Mhe. Regina Chonjo, (wapili kutoka kushoto) akisalimiana na Mkuu wa Mkoa wa Morogoro, Mhe. Loata Sanare mara baada ya kuwasili katika eneo la ujenzi wa Soko Kuu la Kisasa .

Uezekaji wa Paa la Soko ukiendelea.

Afisa Utumishi Manispaa ya Morogoro akikagua Vizimba vya Soko .

Muonekano wa makabati ya kuhifadhia bidhaa katika Soko Kuu la Kisasa unavyoonekana.

WAZIRI  wa nchi Ofisi ya Rais Tamisemi Mheshimiwa Seleman Jaffo(MB), ameupongeza Uongozi wa Manispaa ya  Morogoro kwa usimamizi mzuri wa Stendi  mpya ya Daladala Mafiga  Manispaa ya Morogoro kwani umekidhi viwango na ubora unaotakiwa.

Hayo ameyasema Mei 31, wakati wa ziara yake ya kukagua miradi ya Maendeleo inayofanywa Manispaa ya Morogoro.

Akizungumza na Waandishi wa habari, Waziri Jaffo, amesema amefurahishwa na Ujenzi huo na kumtaka Mkandarasi wa ujenzi huo kukamilisha mradi huo kwa wakati ili wananchi waanze kuutumia mradi huo.

“Mimi sio mtu wa kusifia sifia lakini kwa hili naomba niseme,nyinyi Morogoro miaka 5 iliyopita  hamkuwa na mambo kama haya , sasa hivi yote mmeyapata , lakini niseme  stendi hii ni moja kati ya stendi bora kabisa Tanzania. Ujenzi wake ni wa viwango, mimi binafsi nimeridhishwa sana na ukamilishaji wa stendi hii, nawapongeza sana viongozi wote kwa usimamizi mzuri “”amesema Waziri Jaffo.

‘’Siku ile nilivyokuja hapa nilipata kichefuchefu lazima nizungumze ukweli,sikulizika na kazi nilivyokuja, Mkuu wa Mkoa naomba ni kwambie katika Stendi ambazo nimeridhika nazo na hasa katika hii pichi ya kupaki magari  na Stendi zote nilizotembelea hii stendi nimeridhika nayo, hata hii idadi ya vibanda vya kupumzikia wasafiri mmewazidi wenzenu wa Kibaha ,Iringa na Singida, nah ii inawezekana ni Manispaa ya Kwanza Tanzania yenye Kituo kikubwa cha Daladala “Ameongeza Waziri Jaffo.

Jaffo, amesema kilichobakia ni kuhakikisha wanamalizia Ujenzi wa  Vibanda vya Mama lishe na wamamchinga kwa Wajasiriamali katika kuleta manufaa kwa Wananchi wa Morogoro.

Pia amewataka Viongozi wa Morogoro wamfikishie salamu Mbunge wa Jimbo la Morogoro Mjini, Mhe. Abdulaziz Abood, kwa kuwa na bahati kubwa ya kuingiziwa miradi yenye tija katika Jimbo lake.

Waziri Jaffo, amewataka Viongozi wa Manispaa ya Morogoro waendelee kumpa ushirikiano Mhe. Abood kwani amekuwa kiongozi mwenye kuwapigania wananchi wake akiwa Bungeni.

Amesema ,Abood ni miongoni mwa Wabunge Matajiri Tanzania lakini bado amekuwa  katika mstari  wa mbele wa kuwapigania wananchi wake kuhakikisha wanapata huduma bora.

Aidha , Waziri Jaffo ,amesema anafahamu kilio cha Wanamorogo cha kuwa na Hospitali ya Wilaya huku jambo hilo akisema Serikali ni siku waiachie kazi hiyo wataifanya.

Aidha Waziri Jaffo ameitaka Halmashauri kuendelea kuwa wabunifu, na kuisimamia kikamilifu stendi hiyo ili kuongeza Mapato ya ndani ya  Halmashauri kwa kuwa nia na matokeo ya mradi huo ni kuongeza Mapato kwa Halmashauri pamoja na kutoa huduma kwa wananchi.

Mwisho amewataka Viongozi wa Manispaa ya Morogoro kusimamia mapato kwani tayari wana vyanzo vingi ambavyo vitaifanya Manispaa  hiyo kujitegemea na kuendeleza miradi mingine pamoja na kuweka uongozi imara katika miradi yao ili  kuleta tija ya malengo ya ujenzi wa miradi hiyo kama ilivykusudiwa .

Licha ya kuridhishwa na hatua za mradi huo iliyofikiwa katika utekelezaji, lakini amewataka wale wote wanaosimamia miradi hiyo ikiwemo na wa Soko Kuu la kisasa  kuzidisha kasi ya ujenzi, na kuona mkandarasi anakuwa Site masaa ishirini na nne kuhakikisha ujenzi huo unakamilika kwa wakati na kuzuia upotevu wa fedha za wanyonge zinazotekeleza mradi huo.

Akitoa taarifa ya ujenzi wa stendi hiyo,  Msimamizi wa Miradi inayofadhiliwa na Benki ya Dunia, Mhandisi James Mnene,  kwa niaba ya Mkurugenzi amesema  kuwa, Mradi huo Umetekelezwa kwa gharama za Tshs Bilioni 4.4 bila VAT ambapo mpaka sasa  Mkandarasi ameshalipwa Shilingi Bilioni 3.6 sawa na asilimia 82 ya bajeti ambayo amaelipwa.

 “Tunapenda kuishukuru sana Serikali ya Awamu ya tano chini ya Rais wa Jamhuri ya Muungano wa Tanzania, Mhe. John Pombe Magufuli, kwa kuipatia fedha Manispaa ya Morogoro kwa ajili ya ujenzi wa Kituo hiki,mpaka sasa Mkandarasi ameshalipwa Shilingi Bilioni 3.6 sawa na asilimia 82 ya bajeti amabyo wamelipwa kati ya Bilioni 4.4 ambazo ni gharama ya mradi bila VAT , matarajio yetu wiki mbili zijazo tuwe tumeukabidhi mradi huu Manispaa na wananchi waanze kuutumia mradi huu” Amesema Mnene.

Mnene, amesema mpaka sasa Ujenzi wa Stendi hiyo umefikia asilimia 98,ambapo kazi zilizobakia ni kazi za usafi pamoja na matengenezo ya vitu vidogovidogo kama vile utenegenezaji wa Bustani kwa ajili ya kuweka manzari yaonekane vizuri.