MANISPAA YA MOROGORO YATOA JUMLA YA MILIONI 517,800,000/= MIKOPO KWA VIKUNDI.

Mkuu wa Wilaya ya Morogoro, Regina Chonjo (katikati) akikabidhi hundi ya Shilingi Milioni 517,800,000/= kwa vikundi vilivyoomba mikopo Manispaa ya Morogoro. (kushoto) Mkurugenzi Manispaa ya Morogoro Sheilla Lukuba, Afisa Maendeleo ya Jamii Manispaa ya Morogoro, Enedy Mwanakatwe, Katibu Tawala  Wilaya ya Morogoro, Ruth John , aliyekuwa Mstahiki Meya wa Manispaa ya Morogoro, Mhe. Pascal Kihanga pamoja na wanavikundi.
Hundi ya Mfano ya vikundi vya mikopo ya uwezeshaji kiuchumi Vijana, Wakina Mama na watu wenye ulemavu iliyotolewa na Manispaa ya Morogoro leo Juni 17,2020 kwenye maeneo ya Viwanja vya Shule ya Msingi Kiwanja cha Ndege.

Mkuu wa Wilaya ya Morogoro, Regina Chonjo  akisoma hotuba katika sherehe ya kukabidhi hundi ya pesa kwa ajili ya Vikundi vya Mikopo.



Bajaji zilizotolewa leo na Manispaa ya Morogoro kwa vikundi vya mikopo ya uwezeshaji kiuchumi.

Mkuu wa Wilaya ya Morogoro Mhe. Regina Chonjo (mbele ya Bajaji) pamoja na Mkurugenzi wa Manispaa ya Morogoro (nyuma ya Bajaji) wakizindua Bajaji zilizotolewa na Manispaa hiyo kwa ajili ya mkopo.

Katibu Tawla Wilaya ya Morogoro, Ruth John (kushoto) akiwa pamoja na Afisa Maendeleo ya Jamii Manispaa ya Morogoro, Enedy Mwanakatwe (kulia) wakiwa ndani ya Bajaji zilzizotolewa mkopo leo na Manispaa ya Morogoro.




Mkurugenzi wa Manispaa ya Morogoro Sheilla Lukuba akisakata mziki na Msanii wa Singeli Msaga  Sumu leo katika shserehe ya kukabidhi hudni ya pesa kwa vikundi vya mikopo Manispaa ya Morogoro.

Mkuu wa Wilaya ya Morogoro, Mhe. Regina Chonjo akikabidhi Mizinga ya nyuki 114 kwa Vijana.


Wananchi wakisakata muziki .

JUMLA ya shilingi milioni  517,800,000/= zimetolewa kwa ajili ya mikopo ya uwezeshaji kwa vikundi 72, ikihusisha vikundi 44 vya wanawake na vikundi 22 vya  vijana pamoja na Vikundi 6 vya Watu wenye Ulemavu.

Hatua hiyo ni sehemu ya utekelezaji wa agizo la Ilani ya Chama cha Mapinduzi (CCM) na Sheria inayozitaka Halmashauri kutenga asilimia 10 ya makusanyo ya mapato ya ndani kwa ajili mikopo ya uwezeshaji wa vikundi vya wanawake, vijana na watu wenye ulemavu.

Akikabidhi hundi za mikopo leoJuni 17, 2020  kwenye eneo la Shule ya Misingi Kiwanja cha Ndege kwa vikundi hivyo, Mkuu wa Wilaya ya Morogoro , Mhe. Regina Chonjo,amesema  fedha walizokopeshwa zinapaswa kutumika kama chachu ya kuwaletea maendeleo.

Chonjo, amesema kuwa  fedha walizokopeshwa wanapaswa kuzitumia katika malengo waliyoombea na siyo kupeleka katika matumizi mengine kama vile starehe na anasa ambazo zitawafanya washindwe kurejesha.

Aidha, amesema kuwa wanatakiwa kurejesha fedha hizo kwa wakati ili vikundi vingine vya vijana , wanawake na walemavu waweze kukopeshwa kwa ajili ya kujiletea maendeleo yao na jamii inayowazunguka.

‘”Nawapongeza Wanavikudni wote kwa kukidhi vigezo vya kupewa mikopo na Manispaa ya Morogoro, Leo nimewakabidhi hundi hii ya mfano mbele ya waandiashi wa habari, ni imani yangu kuwa mtazitumia fedha hizi kwa malengo mliyojiwekea , hakikisheni mkopo huu unawanufaisha watu wote bila ubaguzi , naamini hakuna hata kikudni kimoja kitakachoniangusha , pia viongozi mliohudhuria hafla hii mtambue kuwa mmeingia mkataba wa kupewa mkopo kwa niaba ya Vikundi vyenu , hivyo mfanye shughuli ya pamoja kama mlivyoandika kwenye maandiko yenu ya mradi, lakini hatutaishia hapa bali tutafanya ufuatiliaji wa kukagua utekelezaji wa miradi yenu kuona maendeleo yenu” Amesema DC Chonjo.

Aidha amesema Serikali ya awamu ya tano imekuwa pamoja sana na wananchi wanyonge hususani Wajasiriamali na inawapenda sana na inathamini mchango mkubwa unaoletwa na Wajasiriamali wadogowadogo katika kukuza pato la Taifa na ndio maana imeamua kutoa mkopo bila riba.

‘”Ni vye,ma mkajiuliza , ni wapi mtu unaweza kukopeshwa na kurejesha bila riba ?” Tuutendee haki mkopo huu na kurejesha kwa wkati ili kusaidia na wengine kupata fursa ya kukopo, tusimwangushe Rais wetu , yeye anatuonyesha kwa mfano : ni jasiri , mchapa kazi na anatekeleza kwa vitendo na kutoa matokeo makubwa bila woga, nasi hivyohivyo mkaitumie fursa hii ya mikopo mliyopewa kupata matokeo makubwa” Ameongeza DC Chonjo.

Wakati akikabidhi Bajaji 2 kwa vikundi hivyo,  DC Chonjo, amesema wapo baadhi ya Viongozi ni wabinafsi na wanatabia ya kuweka maslahi yao mbele huku akisema wakati Serikali inapotaka kuwanunulia vikundi vifaa wao wanatafuta namna ya kuwarubuni ili wanunue wao ambapo jambo hilo amesema halikubaliki.

Amesema Serikali ya Rais John Pombe Magufuli siyo ya kununua vitu feki,vifaa vyote vipo kwenye viwango vinavyotakiwa , vyenye viwango bora ikiwa na lengo la kuhakikisha vinadumu kwa muda mrefu .

Pia amewaagiza Maafisa Watendaji wa Kata na Maafisa Maendeleo ya Jamii wafuatilie na kusimamia mikopo iliyotolewa kwa vikundi kwani pesa hizo ni kodi za wananchi na ni lazima zirudishwe kwa wakati.

Mwisho ameendelea kuwasisitizia wananchi kuchukua hatua na kufuata taratibu zinazotolewa na wataalamu wa afya dhidi ya ugonjwa wa CORONA hususani watu wanapokuwa katika shughuli za uzalishaji.

Kwa upande wa aliyekuwa Mstahiki Meya wa Manispaa ya Morogoro na Diwani wa Kata ya Mazimbu,  Mhe. Pascal Kihanga, amesema  kuwa mikopo waliyopewa haina riba kwa hiyo wanapaswa kurejesha fedha kulinga na kiwango walichopata.

Kihanga, amesema kuwa lengo la mikopo inayotolewa ni kuwakomboa vijana, wanawake na walemavu kutoka umaskini na kushiriki kikamilifu katika maendeleo ya Nchi.

Amesema  kuwa kikundi kitakachorejesha mkopo kwa wakati kitapewa mkopo mwingine zaidi ya ule walioupata awali.

Naye Mkurugenzi wa Manispaa ya Morogoro, Sheilla Lukuba, amesema lengo la mfuko wa maendeleo ya Wanawake , Vijana na watu wenye ulemavu ni kutoa fursa kwa jamii ili waweze kupata kwa urahisi mkopo usio na riba kwa wanavikundi kujidhamini wenyewe.

Lukuba amesema kuwa mikopo hiyo hutolewa ili kuongezea kujiendeleza kiuchumi na kuinua hali za maisha ili kuendena na kauli mbiu ya Rais wa Jamhuri ya Muungano wa Tanzania, Mhe. Dkt John Pombe Magufuli ya kufikia uchumi wa kati.

“Kwa sasa Manispaa ya Morogoro imewapatia mikopo hii na nina imani kuwa mtaitumia mikopo hii vizuri kuboresha biashara zenu na kurejesha kwa wakati ili kuwezesha vikundi vingine viweze kukopa, kwa kufanya hivyo mtakuwa mmejenga imani na kufungua milango ya kuongezewa mikopo na hata kutoa fursa kwa wadau wengine wa maendeleo wanaojitokeza wenye nia ya kuwasaidia , wawasaidie kwa moyo” Amesema Lukuba.

Akitoa maelezo juu ya mikopo hiyo, Afisa Maendeleo ya Jamii Manispaa ya Morogoro, Bi Enedy Mwanakatwe , amesema katika kipindi cha mwezi huu Juni Manispaa ya Morogoro inatoa mkopo wenye thamani ya Shlingi Milioni 245,800,000.00 ambapo kiasi cha shilingi milioni 110,900,000.00 kwa vikundi 44 vya Wanawake na shilingi milioni 103,500,000.00 kwa vikundi vya Vijana na shilingi milioni 31,400,000.00 kwa vikundi 6 vya watu wenye ulemavu.

Mwanakatwe amesema kiasi cha shilingi milioni 272,000,000.00 tayari zimetengwa kwenye akaunti ya Wanawake , Vijana na watu wenye ulemavu ambapo mchakato wa vikundi vitakavyopatiwa mkopo huo upo katika hatua za mwisho.

“Vikundi vinavyopewa mikopo ni vile ambavyo vimependekezwa na kamati ya maendeleo ya kata na kufanyiwa uhakiki na kuonekana kuwa vinakidhi vigezo, lakini pia tumevipa vipaumbele vikundi vinavyofanya shughuli za viwanda vidogodogo  ambapo katika mkopo huu tumewanunulia Bajaji (3) na Mizinga ya nyuki 114” Amesema Mwanakatwe. 

Hadi kufikia sasa Manispaa ya Morogoro  imeshatoa milioni 517,800,000/= kwenye mwaka huu wa fedha 2019/2020 ikiwa ni mikopo ya vikundi mbalimbali vya wanawake, vijana na watu wenye ulemavu.