MHE. KIHANGA AKABIDHI MADAWATI 20 SHULE ZA MSINGI MAZIMBU

DIWANI wa Kata ya Mazimbu na Mstahiki Meya wa Manispaa ya Morogoro, Mhe. Pascal Kihanga, amekabidhi jumla ya madawati  20 kwa shule za Msingi Mazimbu A na Mazimbu B.

Madawati hayo ameyakabidhi Septemba 29/2022 katika shule za Msingi Mazimbu A na B ambapo shule hizo kila shule imepata madawati 10.

Akikabidhi madawati hayo, Mhe. Kihanga, amesema ametoa madawati hayo ikiwa ni ahadi yake ya uchaguzi lakini kubwa ni kuboresha miundombinu ya shule za Msingi zilizopo katika Kata yake kwa kutengeneza mazingira mazuri ya wanafunzi kupata elimu bora.

Katika hatua nyengine, Mhe. Kihanga, amewataka wananchi pamoja na wadau kuwekeza katika kuchangia maendeleo ya elimu  na kuweka mikakati ya kutatua changamoto za madawati na zinazogusa sekta ya elimu.

" Nimefanya hivi ili kuhakikisha elimu katika Kata yetu na Manispaa kwa ujumla inakuwa bora na inayostahiki, lakini suala hili ni la kushirikiana kwani jukumu la kila mdau na jamii kwa ujumla ni kujitoa kwa hali na mali katika kuleta maendeleo.