RC Makonda awaasa vijana kuchangamkia fursa za miradi ya Maendeleo.

MKUU Wa Mkoa wa  Dar es salaam, Paul Makonda, amewataka Vijana kuhakikisha fursa zote zinazopatikana kwenye miradi ya Maendeleo wanazichangamkia . 

Hayo ameyasema Leo wakati Wa ziara yake  ya tatu kwenye Wilaya ya Temeke wakati Wa ukaguzi Wa miradi ya Maendeleo inayoendeshwa na pesa za mkopo kutoka Benki ya dunia. 

Akizungumza na waandishi Wa Habari, RC Makonda, amesema wazawa ambao ni wakandarasi wanatakiwa kila miradi ya kimataifa lazima asilimia 48 wahusishwe na sio kuwaachia wageni wakanufaika nayo. 

Amesema miongoni mwa faida watakazo zipata wazawa ni pamoja na kujitengenezea uzoefu na kuwa wakandarasi Wakubwa, kujiongezea kipato na kuongeza pato la  Taifa kupitia fedha za kigeni.

 " Nataka iwe Sheria kwamba lazima wakandarasi wetu Wa ndani wapewe vipaumbele katika miradi mikubwa ili baadae wapate ujuzi na kufanya kazi hizo wenyewe baadae bila kutegemea wao " Amesema RC Makonda.