Diwani Ilala achukua fomu Yanga kugombea nafasi hii

DIWANI Wa Kata ya Ilala kupitia tiketi ya Chama Cha Mapinduzi ( CCM) Saady Khimji ametanga kuchukua fomu Klabu ya Yanga ya kuomba kugombea nafasi ya Ujumbe Kamati ya Utekelezaji.

Ameyasema hayo mapema Mara baada ya kufika klabuni hapo na kuchukua fomu hiyo ambapo amesema amekuwa mwanachama Wa klabu hiyo tangia mwaka 2007 Katika Tawi la  Kondo Kipwata Kata ya Ilala.

Akizungumza na Chombohuru Leo, amesema amefanya hivyo ili kuiletea heshima klabu hiyo ambapo kwa kipindi hiki kifupi imeonekana kudorora licha ya kuwa na Historia kubwa Tanzania ,Afrika Mashariki  na Afrika kwa ujumla.


"Kwa heshima na taadhima napenda kuwafahamisha wana Yanga wenzangu Wapenzi, Washabiki na Wanachama wa Yanga kwa ridhaa yangu nimesukumwa na nafsi yangu Kuchukua na Kurudisha fomu ya kugombea nafasi ya *UJUMBE WA KAMATI YA UTENDAJI YA YOUNG AFRICANS SPORTS CLUB sitowaangusha kabisa " Amesema Khimji.


Amesema kwamba anatambua kwa  sasa hawapaswi kufanya Kampeni yoyote mpaka pale muda utakapofika, ila amechukua  fursa hio kuwatambulisha WanaYanga wenzake ili wajue Mwanachama mwenzao amechukua fomu Ofisi za Klabu na sasa yupo tayari kwa taratibu zote zilizowekwa mpaka pale atakapo kuwa Mgombea Rasmi na kuanza Kampeni.

NAWATAKIA KILA LA KHERI MUNGU ATUJAALIE UZIMA NA AFYA TELE.

*DAIMA MBELE NYUMA MWIKO*

*"TIMU YA WANANCHI, WAWEKEZAJI WANANCHI WENYEWE"*

*"KAZI KAZI, YANGA LAZIMA IBAKI KILELENI, ITABAKI KUWA JUU MAWINGUNIIIII"*