KAMATI YA MIPANGO MIJI NA MAZINGIRA MANISPAA YA MOROGORO YAFANYA ZIARA KUKAGUA MIRADI YA MAENDELEO.

Mwenyekiti wa Kamati ya  Mipango Miji na Mazingira , Mhe. Hamis Ndwata ,(kushoto) akizungumza na wajumbe katika ziara.

KAMATI  ya Mipango Miji na Mazingira Manispaa ya Morogoro,  inayoongozwa na Mhe. Hamis Ndwata,ambaye pia ni Diwani wa Kata ya Kihonda Maghorofani,imefanya  ziara kukagua miradi mbalimbali ya maendeleo ndani ya Manispaa ya Morogoro .

Ziara hiyo imefanyika leo Januari 18/2022 ikiambatana na Wakuu wa Idara na Vitengo ambapo Wajumbe hao walipata nafasi ya kila mmoja kuchangia hoja juu ya Kamati hiyo.

Miongoni mwa miradi iliyotembelewa na kamati hiyo ni pamoja na maeneo ya ujenzi wa vibanda vya Machinga Seven General na Mtaa wa  Fire kuelekea Benki ya CRDB, eneo la Mfereji wa Anti- Maralia lililopo Mtawala .

Maeneo mengine ambayo Kamati hiyo imepanga kuyatembelea ni barabara na mitaro itakayojengwa kupitia miradi ya TACTIC, kutembelea upangaji na upimaji eneo la ekari 300 katika eneo la Star City Tungi.

Baada ya ziara hiyo kumalizika wajumbe wote waliongozana na kuelekea katika ukumbi kwa ajili ya kufanya majumuisho ya ziara hiyo.