MAWAKALA WA VYAMA VYA SIASA JIMBO LA MOROGORO MJINI WAAPISHWA.

                                      

Msimamizi wa Jimbo la Uchaguzi Morogoro Mjini , Sheilla Lukuba, akiwaapisha Mawakala wa Chama cha CHADEMA kwenye Ukumbi wa Chuo cha SUA Oktoba 21,2020.

                                     

Mawakala wa Chama Cha Mapinduzi CCM wakila kiapo kutoka kwa Msimamizi wa Uchaguzi Jimbo la Morogoro Mjini.

MSIMAMIZI  wa Ucaguzi wa Jimbo la Morogoro Mjini, Sheilla Lukuba, Leo tarehe 21 oktoba, 2020 amewaapisha Mawakala wa vyama mbalimbali  vya siasa vitakavyoshiriki zoezi la uchaguzi wa Rais, Wabunge na Madiwani utakaofanyika  oktoba, 2020.

Akiendesha zoezi Hilo,Lukuba,   amewataka Mawakala hao  kutunza Siri za Uchaguzi Kama walivyoapa kwenye viapo vyao pamoja na  kuzingatia kanuni, taratibu na sheria za Uchaguzi  za mwaka 2020  ili  zoezi hilo lifanyike kwa amani na utulivu.

"Ni haki ya kila chama cha siasa kinachoshiriki Uchaguzi kuwa na wakala, ila tambueni kuwa Kwa wakala atakayeshindwa kuzingatia kiapo hiki hatua za kisheri zitachukuliwa dhidi yake ikiwemo kulipa faini au kifungo au vyote kwa pamoja" Amesema Lukuba.

 Aidha, Lukuba, ameendelea kuwaeleza mawakala hao kuwa, kuapa kiapo hicho ni utekelezaji  wa kanuni ya 50(4) ya kanuni za uchaguzi wa Rais na wabunge za mwaka 2020 na kanuni ya 43(4) ya kanuni  za Uchaguzi wa Serikali za mitaa( uchaguzi wa madiwani)  za mwaka 2020.