DC CHONJO AZINDUA MRADI WA UGAWAJI WA VIWANJA 3504 ENEO LA STAR CITY KWA NJIA YA MTANDAO MANISPAA YA MOROGORO.

Mkuu wa Wilaya ya Morogoro, Mhe. Regina Chonjo, akifungua rasmi  uzinduzi wa ugawaji wa Viwanja mbele ya Waandishi wa Habari, (kushoto) Mkurugenzi wa Manispaa ya Morogoro, Sheilla Lukuba na (kulia) Meya Manispaa ya Morogoro, Mhe. Pascal Kihanga.

Meya Manispaa ya Morogoro, Mhe. Pascal Kihanga akitoa pongezi mara baada ya uzinduzi wa ugawaji wa Viwanja kukamilika. 

Mkuu wa Wilaya ya Morogoro, Mhe. Regina Chonjo, amezindua na kukamilisha mradi mkubwa wa upangaji na upimaji wa Viwanja 3504 kwa njia ya Waandishi wa habari , kupitia njia ya mtandao  Simu 'SMS''  katika Shamba la Mwekezaji Star Infrastructure  LTD Manispaa ya Morogoro.

Zoezi hilo la uzinduzi limefanyika leo Aprili 21, 2020 kwenye Ukumbi wa Mikutano wa Manispaa ya Morogoro.

Akizungumza na Waandishi wa habari, amesema upimaji na upangaji wa viwanja hivyo umetokana na Mwekezaji aitwaye Star Infrastructure LTD ambae kwa hiari yao walikubali kumega sehemu ya Shamba lao lenye ekari 1100 ili liweze kupimwa na Viwanja hivyo kukabidhiwa Wananchi waliovamia sehemu ya eneo la Shamba hilo.

Amesema zoezi hilo lilifanyika baada ya ramani usajiliwa kupitia Ofisi ya Mkurugenzi ambayo iliandaa utaratibu wa kuanza ugawaji wa Viwanja hivyo mwezi Novemba 2019 lakini zoezi hilo lilisimama kufuatia baadhi ya Wananchi kuwazua Wataalamu wa Idara ya Mipango Miji walioenda kwenye eneo la mradi ili kufanya utambuzi wa Viwanja vilivyojengwa ili kuepusha kuvigawa kwa watu wengine na kusababisha migogoro isiyo ya lazima.

Kufuata zoezi hilo ambalo lingetakiwa kufanyika katika eneo la viwanja lakini kutokana na mlipuko wa Ugonjwa wa CORONA , ndio maana ameamua kulifanya kwa njia ya mtandao wa ujumbe wa Simu ‘SMS”kupitia vyombo vya habari.

Aidha, amesema kuwa Wananchi hao baada ya kuwazuia Wataalamu walipeleka malalamiko yao kwa Mkuu wa Mkoa ambaye aliandika barua Ofisi ya Mkurugenzi katka kupatiwa ufafanuzi wa namna zoezi lilivyoendeshwa ambapo Ofisi ya Mkurugenzi wa Manispaa ilijibu barua hiyo.

"Tupo hapa kwa ajili ya uzinduzi wa mpango wa ugawaji wa Viwanja kwa njia ya simu leo, lakini niseme tu mpango huu tulishauanza muda mrefu wapo baadhi ya Wananchi walitaka kuharibu mpango huu , lakini Ofisi ya Mkurugenzi ilipokea maelekezo kutoka Ofisi ya Mkuu waa Mkoa ya kuitaka kuendelea na zoezi la ugawaji wa Viwanja hivyo chini ya usimamizi wa Ofisi ya Mkuu wa Wilaya mwezi Machi 2020, baada ya kujiridhisha kuwa malalamiko yaliyopelekwa hayakuwa sahihi, nashukuru na kuipongeza Ofisi ya Mkurugenzi pamoja na Baraza la Madiwani kwani Ofisi ya Mkurugenzi iliwasilisha taarifa ya utaratibu uambao ulifanyika wa ugawaji wa Viwanja hivyo katika kikao cha Kamati ya Ulinzi na Usalama ya Wilaya (KUU) cha mwezi Machi 2020" Amesema DC Chonjo.

Katika hatua nyengine, DC Chonjo, amesema kuwa kwa mujibu wa makubalian ya ugawaji wa Viwanja katika mradi huo umezingatia makundi makubwa matatu ambayo  miongoni mwao ni Wananchi 1765 waliovamia shamba hilo la mwekezaji, kundi la pili ni la Wananchi 547 ambao Viwanja vyao vilikuwa na changamoto mbalimbali kama vile miliki pandikizi, viwanja vilivyotolewa katika maeneo yenye makongor , viwanja hewa pamoja na Wananchi waliojenga kwenye hifadhi mbalimbali  (Mito, barabara na milima), kundi la tatu ni Wakulima 97 waliojitoa katika kesi kati yao na Manispaa waliokuwa na mashamba katika maeneo ya Lukobe na Kihonda au wale ambao walifungua mashauri yao kwa kuishtaki Manispaa na baadae wakakubali kuondoa mashauri hayo kwa masharti ya kupewa Viwanja mbadala.

Hata hivyo DC Chonjo, amesema  kuanzia tarehe 21 , Aprili mwaka 2020 uzinduzi rasmi wa ugawaji wa Viwanja kwa njia ya Vyombo vya habari umeanza rasmi, ambapo wananchi watatakiwa kufika kwa makundi ya kati ya watu 50-100 kwa siku za Jumatano na Ijumaa ya kila wiki hivyo wananchi 50 wa mwanzo watafika Ofisi za Ardhi tarehe 22/4/2020.

Amesema Majina ya watakopata Viwanja yatabandikwa kwenye mbao za matangazo katika Ofisi za Kata na Mitaa, Ofisi za Ardhi, Ofisi ya Mkurugenzi ambapo wataona tarehe ya kufika kwa ajili ya kuhudumiwa huku akitoa angalizo kwa wale ambao hawataona majina yao wasubirie utaratibu mzuri ambao unaandaliwa.

Naye Mstahiki   Meya wa Manispaa ya Morogoro, Mhe. Pascal Kihanga, amewaomba Wananchi kutoa ushirikiano kwa Wataalamu wa ardhi kwani shughuli hiyo haikuwa raihisi hadi kufikia kugawa Viwanja.

"Tumekuwa tukipambana sana kuhakikisha zoezi hili linakamilika, sasa kikubwa ni wananchi waendelee kuta ushirikiano ili zoezi hilo likamilike, kama hujatumiwa Ujumbe wa SMS usiende zoezi hli litafanyika kwa hatua pale uanapopata ujumbe kwa simu yako tafadhali fika e

neo husika uliloambiwa uende kwa kufanya hivi sitegemei kutokea kwa vurugu ya aina yoyote na tutamaliza salama maana Manispaa yetu imefanya jambo hilo kwa faida yenu" Amesema Mhe. Kihanga.

Kwa upande wa Mkurugenzi wa Manispaa ya Morogoro, Sheilla Lukuba,  amempongeza Mkuu wa Wilaya, Baraza la Madiwani likiongozwa na Mhe. Pascal Kihanga pamoja na Ofisi ya Mipango Miji kwa kukamilisha zoezi la ugawaji na upimaji wa Viwanja.

“Tumekamilisha hatua nzuri na yakupongezwa, kazi hii haikuwa rahisi, zipo changamoto mbalimbali zilijitokeza lakini chini ya Uongozi wa Mkoa, Wilaya , Baraza la Madiwani Manispaa ya Morogoro walifanya kazi nzuri iliyotufikisha hii leo hadi tunazindua ugawaji huu wa Viwanja, ombi langu kwa wananchi washirikiane vyema na timu ya Wataalamu wa ardhi ili wasije kuturudisha tulipotoka, nawaomba Wananchi wawe watulivu ili zoezi hili limalizike kwa usalama “ Amesema Sheilla.

Aidha amesema zipo hatua kadhaa ambazo zilichukuliwa kuhakikisha kwamba zoezi hilo linakamilika kwa usalama na utulivu.

Miongoni mwa hatua ambazo Ofisi ya Mkurugenzi ilizichukua ni pamoja na kufanya uhakiki wa ndani kuona Viwanja vilivyojengwa ili kutovigawa kwa watu wengine ili wale waliojenga kabla ya upimaji wabaki katika viwanja hivyo, kuandika barua kwa Wateja wote waliokuwa wanastahili kupata Viwanja kwa kutaja namba ya kiwanja na kitalu na namba hizo kuingizwa katika mfumo wenye majina yao, kuandika majina yaliyopitishwa /kubaliwa na tume / vikao na kuyawasilisha kwa Mkuu wa Wilaya na nakala kwa katibu Tawala Mkoa, Ofisi za Kata pamoja na za Mitaa, kuwapeleka Site kuonesha viwanja kila siku ya Jumatano na Ijumaa ya kila wiki pamoja na kukamilisha wale wote watao lipia gharama za hati baada ya kuona majina yao na viwanja.