DC Chonjo akabidhi Jeshi la Polisi Wilaya ya Morogoro Barakoa 210 kwa ajili ya kujikinga na Ugonjwa wa CORONA.

Mkuu wa Wilaya ya Morogoro, Mhe. Regina Chonjo, akipokea Barakoa kutoka kwa Mkurugenzi wa Kampuni ya AEL mining Services , Ndg. Johan Austin , tukio hilo limefanyika Leo Aprili 30,2020 Ofisini kwake.

Mkuu wa Wilaya ya Morogoro, Mhe. Regina Chonjo, akimkabidhi  Barakoa Kamanda wa Polisi Wilaya ya Morogoro, OCD Jackson Kahamba. 

Kamanda wa Polisi Wilaya ya Morogoro, OCD Jackson Kahamba, akitoa shukrani kwa Mkuu wa Wilaya pamoja na mdau aliyejitolea Barakoa hizo.

Barakoa zilizotolewa leo na Kampuni ya AEL Mining Services kwa ajili ya Jeshi la Polisi Wilaya ya Morogoro.

MKUU wa Wilaya ya Morogoro, Mhe. Regina Chonjo, amekabidhi  jumla ya Barakoa 210 kwa Jeshi la Polisi Wilaya ya Morogoro kwa ajili ya kujikinga na maambukizi ya virusi vya Corona vinavyosababisha Ugonjwa wa Covid 19.

Akizungumza na Waandishi wa habari wakati wa kukabidhi  Barakoa hizo, Chonjo,  amesema kuwa vifaa hivyo vimetolewa na Kampuni inayojihusisha na upasuaji wa miamba ya Madini ya AEL Mining Services iliyoko Kata ya Kihonda Manispaa ya Morogoro ikiwa na  lengo la kuwasaidia Jeshi la Polisi katika kujikinga na maambukizi ya Virusi vya CORONA.

Chonjo, amewahimiza Jeshi la Polisi kuendelea kuvaa Barakao wanapokuwa katika majukumu yao ya kila siku kwani wao wamekuwa msaada mkubwa katika ulinzi wa Wananchi pamoja na mali zao.

“Tumeitana leo kwa lengo moja la kuwakabidhi Jeshi letu la Polisi Wilaya ya Morogoro, wenzetu hawa wameamua kuliunga Mkono Jeshi la Polisi kwani wamekuwa wakiwaona barabarani wakipamabana na uharifu na ulinzi wa raia na mali zao lakini wengine wakiwa hawajavaa Barakoa jambo ambalo limewagusa na kuona ipo haja ya kujitolea Barakoa hizi kuwakinga Askari wetu dhidi ya Janga hili la ugonjwa wa CORONA ambalo hatari kwa maisha ya Binadamu” Amesema DC Chonjo.

Kwa upande wake Kamanda  wa Polisi Wilaya ya Morogoro  (OCD ) Jackson Kahamba, amemshukuru DC Chonjo, kwa kuwaletea mdau ambaye amewakabidhi sialaha bora katika kujikinga na Uginjwa wa CORONA.

OCD Kahamba, amesema DC Chonjo, amekuwa mstari wa Mbele katika maendeleo ya Wilaya hususani katika Jeshi la Polisi na familia zao lakini kubwa amekuwa akiwasaidia Wananchi wake kwa kila jambo linapotokea huku akiwahimiza viongozi wengine kuiga mfano wa DC Chonjo kujitolewa kwa ajili ya kuwasaidia wananchi.

“Tunampongeza sana Mama yetu Chonjo, amekuwa mlezi bora sana kwa upande wetu wa Jeshi la Polisi akiwa Mwenyekiti wa Kamati ya Ulinzi na Usalama Wilaya amejitoa sana kwetu na familia zetu, hivi karibuni alitoa msaada wa Shilingi Milioni 1 kwa taaisisi ya Mama Mutafungwa inayosaidia kujikwamua kiuchumi kwa wakina  mama wanaoishi katika Nyumba za Polisi kwa kweli amekuwa akijitoa sana na anafanya kazi kubwa sana kipindi hiki kuhakikisha wananchi wa Wilaya yake wanakuwa salama kwa kujikinga na virusi vya Corona” Amesema OCD Kahamba.

Naye Mkurugenzi wa AEL Mining Services , Ndg. Johan Austin,amesema wameamua kutoa Barakoa kwa Jeshi la Polisi baada ya kuona Askari wengi wapo mitaani wakipambana na maisha ya Wananchi lakini wengi wao hawana Barakao jambo linalipolekea kuhatarisha maisha yao.

“Leo tumekabidhi Barakoa 210 kwa Mkuu wa Wilaya ya Morogoro ili awakabidhi Jeshi la Polisi Wilaya yake, tumeona jitihada za DC wetu katika Janga hili sisi kwa upande wetu tukaona ni vyema tukajikita kulisadia Jeshi la Polisi kwani wamekuwa msaada mkubwa katika ulinzi wa wetu na mali zetu kwa ujumla, hawa wanapambana na waharifu,  ujambazi kwahiyo lazima wawe wamejikinga hususani katika kipindi hiki cha mapambano dhidi ya Ugonjwa wa CORONA” Amesema Austin.

Amesema Polisi wengi kazi zao wanazifanya kwenye mikusanyiko , hivyo kwa Barakao walizokabidhi zitasaidia kujikinga katika  maeneo yenye mikusanyiko na maeneo maalum kama ofisini, kwenye malindo pamoja na sehemu za kuabudia.