Ziara ya Naibu Meya ilala yazidi kuwakuna Wajasiriamali Vingunguti

NAIBU Meya wa Manispaa ya Ilala, ambaye ni Diwani wa Kata ya Vingunguti, Omary Kumbilamoto, ametimiza ahadi ya Mkurugenzi ya kuwataka Madiwani wakae na wananchi wao kutoa elimu ya mikopo ikiwamo Ujasiriamali.

Hayo ameyafanya Leo huku kukiambata na zoezi  la  kongamano la vijana katika viwanja vya vingunguti eneo la relini kuhusu utoaji wa elimu ya

stadi za maisha,elimu rika na afya ya uzazi

, Elimu ya ujasiriamali,uundaji wa vikundi,fursa zilizopo ndani ya manispaa pamoja na Elimu ya kujitambua na kujithamini kwa vijana

Vijana wote wa manispaaa ya ilala.

Akizungumza na Waandishi wa habari, amesema  Kongamano hilo limeandaliwa na halmashauri manispaa ya ilala.

Aidha amesema atahakikisha Kata yake inafanya vizuri katika marejesho baada ya kazi ya ugawaji mikopo itakapo kamilika.

Mbali na kongamano hilo , pia amefanya muendelezo wa ziara yake ya kuwatembelea Wajasiriamali ili kubaini changamoto zinazowakumba.

" Huu ni mwendelezo wa ziara yangu ya kuzungumza na wajasiriamali ambapo nataka kuhakikisha hata fedha za mikopo za Manispaa zikitoka kata yangu iwe inaongoza kwa kufanya marejesho" Amesema kumbilamoto.

Katika hatua nyingine tulishuhudia Naibu Meya huyo akikamilisha ahadi ya kumnunulia mama Mlemavu Magogongo mapya Mara baada ya kuomba msaada kupitia kwake.

" Napenda mtambue hii ni ahadi huyu mama alinifuata lakini baada ya kujidhihirisha nikaona ipo  haja ya kupatiwa magongo mapya na leo  nimetimiza, natoa ushauri kwamba  sio yeye anachangamoto hiyo bali  wapo wengi lakini wakijitokeza tutawasaidia kadri itakavyowezekana" Ameongeza kumbilamoto.

Pia amewataka wakina mama kujituma kwani Serikali ya awamu ya tano imedhamiria kuwawezesha na kuwanyunyua kiuchumi kupitia majukwaa yao ya uwezeshaji.

.

Naibu Meya kumbilamoto alikuwa mgeni rasmi wa kongamano hilo ambapo shughuli mbali mbali ziliendelea kubwa likiwa kujikita katika kutoa elimu kwa wajasiriamali.