DC Mjema akabidhi mradi wa Ujenzi Hospitali ya Wilaya Ilala kwa JKT

Mkuu Wa Wilaya ya Ilala, amefunga mkataba wa Mradi wa Ujenzi wa Hospitali ya Wilaya Ilala kutoka kampuni ya Ujenzi ya Scoll  na kuwakabidhi JKT baada ya kushindwa kukamilisha Ujenzi huo kwa wakati. .


Akizungumza na Waandishi wa habari leo  kwenye mradi huo, DC Mjema amesema Ujenzi huo umekuwa ukigubikwa na siasa za hapa na pale jambo ambalo limesababisha kutokukamilika kwa wakati..


 Amesema kuwa , Ujenzi huo ulitakiwa kumalizika mapema kwani tangia wawakabidhi mwaka 2016 hadi Leo hakuna kinachoendekea.

 Amesema kwa sasa Serikali ya awamu ya tano  inataka miradi yote iliyoingiziwa fedha iwe imeshaanza na kuonesha matumaini jambo ambalo kwa Ujenzi wa Hospitali hiyo haukufanyika zaidi ya hadisi tuu.

Katika Kuona Ujenzi huo unakamilika kwa wakati DC Mjema ameukabidhi mradi huo wa vyumba vya kulazia wagonjwa na kulipia na wale wenye bima kwa Jeshi la  Kujenga Taifa ( JKT) kutoka kwa Wakala wa Majengo Tanzania.


Amesema ifikapo Tarehe 1 Aprili  2019, mwandisi  mshauri awe amekabidhi michoro yote kwa Jeshi la  Kujenga Taifa ( JKT).

" Nimeamua kuwa mkali sana huu Ujenzi unatufanya kuonekana  hatufanyi kazi sasa nimeamua kufanya maamuzi magumu kuwakabidhi mradi huu JKT nataka haraka sana michoro ikabidhiwe na kazi ianze Mara moja" Amesema DC Mjema.

 Naye  Mwandisi  wa Manispaa ya Ilala, Justine Magoda, amefurahishwa na uamuzi wa DC Mjema na kusema kwamba  uamuzi huo una manufaa makubwa ya kuhakikisha mradi huo unakamilika na wananchi wanapata huduma.


Pia   amesema changamoto kubwa iliyopelekea kucheleweshwa kwa Ujenzi  huo ni kukosekana kwa mwandisi  mshauri katika michoro.