YANGA WAUNGANA NA MEYA WA MANISPAA YA MOROGORO NA KUGAWA MSAADA WA VITU MBALIMBALI.

MSAFARA wa kikosi cha Yanga SC  uliopo Mkoani Morogoro  kwa ajili ya mchezo wa Ligi Kuu ya Vodacom dhidi ya Mtibwa Sugar , ukiambatana na Mstahiki Meya wa Manispaa ya Morogoro  na Diwani wa Kata ya Mazimbu, Mhe. Pascal Kihanga, Februari 22/2022, umetembelea Kituo cha Watoto yatima cha Mehayo kilichopo Kata ya Mazimbu Manispaa ya Morogoro na kutoa msaada wa vitu mbalimbali katika Kituo hicho.

Kwa upande wa Mstahiki Meya, ameushukuru Uongozi wa Yanga kwa kuwaona na kuwatembelea.

" Tunashukuru sana wenzetu wa Yanga kuja katika kituo hiki, tunaamini kuna vituo vingi lakini wamekiona kituo chetu, hawajakosea kujiita Wananchi hii ndio maaana sahihi ya Timu ya Wananchi na wamewajali wananchi" Amesema Mhe. Kihanga.

Klabu ya Yanga, leo Februari 23/2022, wataminyana na Mtibwa Sugar katika Uwanja wa Manungu Turiani majira ya Saa 10:00.