WASIMAMIZI WA VITUO VYA KUPIGA KURA MANISPAA YA MOROGORO WAPATIWA MAFUNZO NA KULA VIAPO VYA UTII,UADILIFU NA UAMINIFU NA KUTUNZA SIRI

WASIMAMIZI wa Vituo vya kupigia kura  uchaguzi wa Serikali za Mitaa Novemba 27-2024 Manispaa ya Morogoro wamepatiwa  mafunzo ili kuifanya kazi hiyo kwa uamakini na kufanya uchaguzi kuwa huru na haki.

Mafunzo hayo yamefanyika katika ukumbi wa Tanzanite Hall Novemba 22-2024 .

Aidha, wasimamizi hao wa vituo vya kupiga kura sambamba na mafunzo hayo waliyopatiwa pia wamekula viapo vya utii, uadilifu, uaminifu na kutunza siri wakati na baada ya zoezi hilo la uchaguzi.

Akizungumza na wasimamizi hao wa vituo vya kupiga kura,Msimamizi wa Uchaguzi Manispaa ya Morogoro ,Emmanuel Mkongo,amewataka wasimamizi wakawe makini hususani kwenye kujaza fomu za matokeo.

Mkongo,pia amewataka wasimamizi hao kuzingatia kanuni na miongozo ya Uchaguzi wa Serikali za Mitaa ili kuufanya uchaguzi uende vizuri.

Zoezi la uandikishaji wapiga kura kwa ajili ya uchaguzi wa Serikali za mitaa linatarajiwa kufanyika tarehe 27-2024