LUKWELE AWATAKA WANAFUNZI SEKONDARI TUSHIKAMANE KUJALI JITIHADA ZA SERIKALI KWA KUFAULU VIZURI

                     

DIWANI wa Kata ya Sabasaba Mhe. Mohamed Lukwele,amewataka wanafunzi wa kidato cha 4  Shule ya Sekondari Tushikamane Manispaa ya Morogoro  kujali jitihada za Serikali katika uboreshaji wa miundombinu ya elimu kwa kufaulu vizuri masomo yao.

Mhe.Lukwele, ametoa kauli hiyo wakati akizungumza na wanafunzi wa shule hiyo Novemba 6-2024 katika tukio la sala maalum ya kuwaombea wanafunzi hao  wanaotarajia kufanya mitihani yao ya Taifa Novemba 11- 2024.

Aidha,Mhe.Lukwele,amesema  serikali imepeleka fedha nyingi kwa ajili ya ujenzi wa madarasa hususani Manispaa ya Morogoro ili wanafunzi wasome katika mazingira rafiki.

Hata hivyo,  ametaka kuona matokeo chanya katika elimu kwa wanafunzi hao kupitia uwekezaji wa miundombinu hiyo ya elimu.

Baadhi ya wanafunzi hao wa shule ya Sekondari Tushikamane  wamekiri kuwapo kujengwa kwa miundombinu rafiki shuleni hapo na inawasaidia kusoma katika mazingira mazuri yatakayowawezesha kufanya vyema katika masomo.