KAMATI YA FEDHA MMEFANYA KAZI NZURI NA YA KUIGWA- KATIBU CCM WILAYA YA MOROGORO.

 

KATIBU wa Chama Cha Mapinduzi CCM Wilaya ya Morogoro Mjini, Chifu Sylvester Yared, amelipongeza Baraza la Madiwani la Manispaa ya Morogoro hususani Kamati ya Fedha kwa mipango madhubuti waliyokuwa wakifanya ya kuwezesha Manispaa kufikia asilimia 85.89 ya makadirio ya Tsh. Bilioni 10,255,736,199.95 ya  mwaka wa fedha  2021/2022 kwa mapato ya ndani.

Chifu Yared, ametoa pongezi hizo Julai 19/2022  katika Ukumbi wa Mikutano wa Kilakala Soko Kuu la Chifu Kingalu Morogoro wakati wa Mkutano wa Kawaida wa Baraza la Madiwani Manispaa ya Morogoro.

“ Kamati ya fedha mmefanya kazi nzuri sana, wale ambao watakuwa wakiwapinga watakuwa wanapingana na Ilani ya CCM , niwahikikishie kuwa sisi Chama tunafuatilia kinachofanyika , kufikia asilimia 83.4 ya makausanyo sio jambo rahisi, wekeni jitihada kubwa ili mwaka wa fedha 2022/2023 mfike Zaidi ya hapo” Amesema Chifu Yared.

Chifu Yared, amewataka Madiwani kuhakikisha wanasimamia vyema fedha za miradi ili kuendelea kutoa huduma bora kwa Wananchi wao pamoja na wale waliowaaamini na kuwachagua ili kutekeleza vyema Ilani ya Uchaguzi ya CCM ya mwaka 2020-2025.