MSIMAMIZI WA JIMBO LA UCHAGUZI MOROGORO MJINI ATAKA ZOEZI LA UCHAGUZI LIZINGATIE SHERIA, KANUNI NA TARATIBU ZA UCHAGUZI.

 

Wasimamizi Wasaidizi wa Uchaguzi ngazi ya Kata Manispaa ya Morogoro wakiwa katika semina ya ufungaji wa mafunzo katika ukumbi wa Manispaa ya Morogoro.

Msimamizi wa Uchaguzi Jimbo la Morogoro Mjini na Mkurugenzi  wa Manispaa ya Morogoro, Sheilla Lukuba, akizungumza na Wasimamizi Wasaidizi wa Uchaguzi ngazi ya Kata katika ufungaji wa semina ya mafunzo katika Ukumbi wa Mikutano wa  Manispaa ya Morogoro.

Afisa Uchaguzi Manispaa ya Morogoro, Pendo Chagu, akizungumza na Wasimamizi Wasaidizi wa Uchaguzi ngazi ya Kata katika kufunga mafunzo ya siku 3.

MSIMAMIZI wa Uchaguzi Jimbo la Morogoro Mjini na Mkurugenzi  wa Manispaa ya Morogoro, Sheilla Lukuba, amewataka na kuwasisitiza Wasimamizi Wasaidizi Ngazi ya Kata kuendelea kusoma Sheria za Uchaguzi , Kanuni na maelekezo mbalimbali yaliyotolewa na Tume ya Uchaguzi katika kutekeleza shughuli za Uchaguzi.

Hayo aliyasema  hivi karibuni katika Ukumbi wa Mikutano wa Manispaa ya Morogoro  wakati wa kufunga mafunzo ya siku 3 yaliyoanza Agosti 07-09 , 2020  kwa wasimamizi wasaidizi wa uchaguzi Ngazi ya Kata Jimbo la Morogoro Mjini.

Lukuba, alisema  pamoja na kwamba uzoefu ni nyenzo muhimu katika kufanikisha Uchaguzi lakini pia uzoefu unaweza kuwaponza kwa kufikiri kuwa wanajua kila kitu na kusahau kujisomea.

“Napenda kuwashukuru wote kwa ushirikiano mlioutoa wakati wa mafunzo mpaka tumemaliza kwa mafanikio,naamini malengo yaliyokusudiwa yamefikiwa, lakini lazima mtambue kuwa Tume imewaamini na kuwateua kuwa Wasimamizi Wasaidizi wa Uchaguzi ngazi ya Kata ikiwa na imani kuwa kazi hiyo mtaifanya kwa ufanisi ili kuwezesha Uchaguzi huu kufanyika kwa mafanikio makubwa, nipende kuwatakia safari njema ya kurejea katika maeneo na kila la kheri katika utekelezaji wa majukumu yenu ya Uchaguzi””

Aidha, amewapongeza  Wasimamizi Wasaidizi ngazi ya Kata kwa michango waliyotoa wakati wote wa majadiliano na uzoefu waliobadilishana katika mafunzo hayo hku akisema maswali waliyojiuliza yalitoa mwanga na uelewa wa pamoja wa namna shughuli za uchaguzi zinavyoweza kuboreshwa wakati wote.

Mwisho ametoa wito kwa Wasimamizi wasaidizi ngazi ya Kata kuendelea kuzingatia maelekezo yote yanayotolewa na Wataalamu wa afya kuhusu kujikinga na maambukizi dhidi ya Ugonjwa wa Corona (COVID-190.